4/6/2020 04:31 PM

نهێنییەکانی سپی بوون و بەهێزبوونی ددان

بەتێپەڕبونی کات گۆڕانکاری لە رەنگی ددانەکان رودەدات و زەرد دەبێت. زۆرکات دەگاتە رادەیەک کە کەسەکە متمانەی بەخۆی نامێنێت و دەترسێت لەوەی بەڕوی کەسانی دیکەدا پێبکەنێت. کەوابوو ئەم بابەتە جگە لە باری جەستەیی کاریگەری لەسەر باری دەروونیش هەیە. لە خوارەوەدا کۆمەڵێک رێکار بۆ لە هاتنە دی ئەم مەبەستە ئاراستە دەکرێت.

*رۆژانە دوجار ددانت بشۆ یارمەتی لابردنی ئەو بەکتریایانە دەدات کە لەسەر ددان و پوک دەنیشێن و زەردی دەکەن.
*پەتی ددان بەکاربهێنە، یارمەتی لابردنی ئەو پاشماوەنەی خۆراک دەدات کە بە دانەوە دەمێنێتەوە و بە فلچە لاناچێت.
*تەماشای ئەو رێژە کالسیۆمە بکە کە دەیخۆیت، چونکە ئێسک و ددان بەهێزدەکات و پارێزگاری لە مینایی ددان دەکات، بۆیە بایەخ بە خواردنی بدە.
*دوربکەوە لە خواردنەوەی ماددە کافایینەکان، ئەگەریش دەیخۆیتەوە دوای 30 خولەک لە خواردنی ددانت بشۆ.
*زو زو فلچەی ددانەکەت بگۆڕە، لە دو مانگ زیاتر بەکاری مەهێنە.
*زیاتر بایەخ بە خواردنی سەوزە بدە وەکو برۆکلی، سپێناغ، کەلەرم، گێزەر بدە. ئەم خۆراکانە ددان و پوک خاوێن دەکەنەوە.
*میوە لەنێوان ژەمە خۆراکەکانت بخۆ، بەتایبەتی میوە مزرەکان وەکو سندی، پرتەقاڵ و لیمۆ، چونکە دەم لیکی زیاتر دەکات، لیکیش یارمەتی خاوێنکردنەوەی دەم دەدات لە بەکتریا.
*ئەو هەویری ددانەی هەڵیدەبژێریت باشترە نەعنای تێدابێت، چونکە بۆنی دەم بۆماوەیەکی زۆر بە خۆشی دەهێڵێتەوە، ددان سپی دەکاتەوە.
*زو زو سەردانی پزیشک بکە و ددانەکانت خاوێنبکەرەوە، باشترە ساڵانە زیاتر لە دو جار سەردانی پزیشک بکەیت.

 

سەرچاوە: goodmenproject

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved