11/6/2020 03:23 PM

چۆن میوە و سەوزە بشۆینەوە؟

میوە و سەوزە سەرچاوەیەکی باشن بۆ بەدەستهێنانی ڤیتامین، ریشاڵ، ماددە کانزاییەکانی کە بۆ جەستە پێویستە، بەڵام پێویستە پێش خواردن بشۆرێنەوە بۆئەوەی لە بەکتریا و ڤایرۆس خاوێن ببنەوە، بەتایبەتی لە ئێستادا کە مەترسی بڵاوبونەوەی ڤایۆسی کۆرۆنا هەیە.

بۆچی پێویستە میوە و سەوزە بشۆرێنەوە؟
ڤایرۆسی کۆرۆنا لە ئارادا هەبێت یاخود نەخێر، میوە و سەوزەکان پێویستییان بەخاوێنکردنەوە هەیە، دەنا ئەو بەکتریا زیانبەخشانەی لەسەر سەوزە و میوەکانن زیان بە تەندروستی دەگەیەنن، سەرەڕای ئەوانەش ئەگەر هەیە کەسانی دیکە بەسەر سەوزە و میوەکەدا پژمیبێتن یان کۆکیبێتن، بەمەش ئەگەری هەیە نەخۆشی بگوازرێتەوە.

باشترین رێگە چییە بۆ شتنەوەی سەوزە میوە؟
هەندێک کەس بۆ خاوێنبونەوەی میوە و سەوزە سرکە، تایت، ئاوی لیمۆ یان ماددە پاککەرەوانی وەکو "فاست" بەکاردەهێنن، بەڵام لە راستیدا زۆرینەیان مەترسییان بۆ سەر تەندروستی هەیە و پێویستە بەکارنەهێندرێت، چونکە میوە و سەوزەکە خراپ دەکەن، بەتایبەتی ماددە کیماییەکانی وەکو فاست.
هەندێک لە شارەزایان پێشنیار دەکەن بۆ شتنەوەی سەوزە و میوە سۆدە بەکاربهێندرێت لەگەڵ ئاو کە یارمەتیدەرە بۆ لابردنی بەکتریا.

چۆن میوە و سەوزەکان بشۆیتەوە؟
*میوە و سەوزەکان ئەگەر بە ئاوی شلەتێن بشۆرێتەوە خۆراکەکە بە سەلامەتی دەهێڵێتەوە، بەڵام پێویستە پێش خواردن نەشۆرێنەوە، چونکە شتنەوەی میوە و سەوزە و پاشان هەڵگرتنی دەبێتە مۆڵگەی گەشەکردنی بەکتریا.
*پێش ئەوەی میوە و سەوزەکە بشۆرێتەوە دەبێت دەستەکان خاوێنبن، هەروەها ئەو شوێنەی لێی دەشۆیتەوە پێویستە بەباشی پاککرابێتەوە بە ماددەی تایبەت، پاشان میوەکان بەپێی جۆرەکەیان بشۆیتەوە.

میوە توێکڵدارەکان: وەکو لیمۆ، پرتەقاڵ، سێو و هەرمێ، باشترە بە فڵچەیەکی نەرم خاوێنبکرێنەوە بۆئەوەی پیسی ئەو شوێنانە لابچێت کە دەستپێیناگات.
گەڵا سەوزەکان
: سەرەتا لە قاپێکی قوڵ دابنرێت و ئاوی پێدابکرێت، دوای چەند خولەکێک دوبارە ئەو ئاوە لاببرێت و ئاوی دیکەی پێدابکرێت.
میوە ناسکەکان: وەکو ترێ، بێری و قارچک، کە زو پارچە پارچە دەبن، پێویستە لە قاپێکی پڕ ئاو دابنرێت و بەدەست خاوێنبکرێنەوە.

 

سەرچاوە: nhs

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved