29/8/2020 09:43 PM

كه‌ی سریلاك بدرێت به‌ منداڵ؟

د.كامه‌ران ره‌سوڵ ژاژڵه‌یی پسپۆڕی زانستی خۆراك و نه‌شته‌رگه‌ری گشتی له‌ تۆڕی كۆمه‌ڵایه‌تی فه‌یسبوك بابه‌تێكی بڵاوكردووه‌ته‌وه‌ سه‌باره‌ت به‌وه‌ی له‌ چ كاتێكدا پێویسته‌ سریلاك بدرێت به‌ منداڵ.

له‌ بابه‌ته‌كه‌دا د.كامه‌ران پێكهاته‌كانی سریلاكی خستووه‌ته‌ڕوو كه‌ بریتین له‌:

*سریلاك پێكدێت له‌ ئاردی یه‌كێك له‌ دانه‌وێڵه‌كان (برنج، شۆڤان، گه‌نم، جۆ، گه‌نمه‌شامی) له‌گه‌ڵ شیری كه‌م چه‌وری، زه‌یتێك (خورما، كانۆلا، گوڵه‌به‌ڕۆژه‌) و ده‌وڵه‌مه‌ند ده‌كرێت به‌ ڤیتامین و كانزاو مادده‌ دژه‌ ئۆكسانه‌كان.

كه‌ی سریلاك بدرێت به‌ منداڵ؟
1-له‌ یه‌كه‌م ڕۆژی مانگی شه‌شه‌می منداڵی ساوا ده‌توانرێت بدرێت به‌ منداڵ و زۆربه‌ی پسپۆڕه‌كان كۆكن پێش ئه‌و ته‌مه‌نه‌ باشتره‌ پێی نه‌درێت.
2-ڕۆژی یه‌كه‌م یه‌ك كه‌وچك بدرێت به‌ منداڵ و به‌هێواشی زیادبكرێت.
3-له‌ سه‌ره‌تادا به‌ ئاوی شیله‌تێن بگیرێته‌وه‌ تا به‌ئاسانی هه‌رس بكرێت؛ دواتر به‌ ته‌دریج بڕی ئاوه‌كه‌ كه‌مبكرێته‌وه‌ تا له‌ مانگی نۆیه‌مدا وێنه‌ی هه‌ویرێكی شل ئه‌درێت به‌ منداڵ.
4-ئه‌گه‌ر منداڵه‌كه‌ به‌ زمانی ده‌رهێنایه‌وه‌و تفی كردوه‌؛ مه‌ڵێ نایخوات، چونكه‌ مانای ئه‌وه‌ نیه‌ كه‌ حه‌زی له‌ خواردن نیه‌؛ به‌ڵكو ئه‌وه‌ كاردانه‌وه‌یه‌كی ئاساییه‌ له‌به‌رئه‌وه‌ی شتێكی تازه‌یه‌.
5-پێویسته‌ پێش ته‌واوكردنی شه‌ش مانگی سرێلاكێك نه‌درێت به‌ منداڵ گه‌نمی تێدا بێت.
6-ئه‌گه‌ر منداڵێك زۆر قه‌بز بێت؛ باشتره‌ سریلاكی برنجی كه‌متر پێبدرێت.
7-ئه‌و سریلاكه‌ی هه‌نگوینی تێدایه‌ پێویسته‌ نه‌درێت به‌ منداڵی كه‌متر له‌ یه‌ك ساڵ.

گرنگترین ڕێنمیاییه‌كان:
1-هه‌میشه‌ به‌رواری دروستكردنی سریلاكه‌كه‌ بخوێنه‌وه‌؛ تا تازه‌تر بێت باشتره‌.
2-دوای هه‌شت مانگی بێجگه‌ سریلاك؛ پێویسته‌ منداڵ خواردنی تری پێبدرێت.
3-له‌ شه‌ش مانگییه‌وه‌ مناڵه‌كه‌ت زیاتر له‌ شه‌ش سه‌عات به‌سه‌ریه‌كه‌وه‌ بخه‌وێت.

خاك - ئا/ لانه كاشان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved