ئەنجومەنی نوێنەرانی عیراق كۆتایی بە خوێندنەوەی پرۆژەیاسای مافەكانی خانەنشینی ئەو كارمەندو پزیشكانە هێنا كە لە بەرەنگاربوونەوەی ڤایرۆسی كۆرۆنادا گیانیان لەدەستداوە. فەرمانگەی راگەیاندنی ئەنجومەنی نوێنەرانی عیراق لە بڵاوكراوەیەكدا رایگەیاندووه: ئەنجومەنی نوێنەران كۆتایی بە خوێندنەوەی یەكەم بۆ پرۆژەیاسای مافەكانی خانەنشینی كارمەندانی تەندروستی و پزیشكی كە لە بەرەنگاربوونەوەی ڤایرۆسی كۆرۆنادا گیانیان لەدەستداوە دەهێنێت. هەروەها ئەنجومەنی نوێنەران كۆتایی هێنا بە ڕاپۆرت و گفتوگۆكردن لەبارەی پێشنیازە یاسای هاوتاكردنی بڕوانامەكان و پلە زانستییەكان. هەروەها باس له پێشنیازە یاسای یانە وەرزشییەكان كرا. خاك
created by Avesta Group and powered by Microsoft Azure