پەروەردەی عێراق بڕیاریدا لە هەفتەیەكدا دوو رۆژ وانە لەناو پۆلەكاندا بخوێنرێت و دەسەڵاتی دەستپێكردنی پڕۆسەی خوێندنیش درایە وەزارەتی تەندروستی. لەوبارەیەوە، قوسەی یاسری سەرۆكی لیژنەی پەروەردە لە ئەنجومەنی نوێنەرانی عێراق رایگەیاندووه: لیژنەكەیان و وەزارەتی پەروەردەی عێراق كۆبوونەتەوەو بڕیاردراوە بۆ ئەمساڵی خوێندن تەنها دوو ڕۆژ لە هەفتەیەكدا دەرگای خوێندنگاكان بكرێنەوە. ئاماژەی بەوەشكرد: پڕۆگرامەكانی خوێندن دەكرێن بە دوو بەش و بەشێكی لە نێو خوێندنگاكان دەخوێنرێت و بەشەكەی تری بە شێوەی ئۆنلاین دەوترێتەوە. ڕاشیگەیاند: دەسەڵاتی دەستپێكردنی پڕۆسەی خوێندنی ئەمساڵ دراوەتە وەزارەتی تەندروستی، كە بەپێی دوایين پێشهاتەكانی ڤایرۆسی كۆرۆنا، بڕیار لەكاتی دەستپێكردنی خوێندن بدات. خاك - ئاژانسهكان
created by Avesta Group and powered by Microsoft Azure