31/10/2020 12:17 PM

بەکارهێنانی سەهۆڵ بۆ لەناوبردنی زیپکە

زیپکە کاتێک دروست دەبێت کە چەوری و خانەکانی پێست، فۆلیکۆلەکانی موو قەپات بکەن و کەوابوو چيوری زیادی و پاشماوەی خانە و بەکتریاکان لەژێر پێستدا کۆ دەبنەوە. لەوانەیە ئەو فۆلیکۆلانەی لەژێر پێستدان پشکێن و بە خانەکانی دەوروبەری پێستدا بڵاو ببنەوە و ئەوەش دەبێتە هۆی ئەوەی زیپکە دیکەش سەرهەڵبدات و پێست تووشی ورووژاب بێت.
سەهۆل سووربوونی پێست کەم دەکاتەوە و ئێشی زیپکە لەناو دەبات. بەم حاڵەوە لەوانەیە سەهۆڵ کاریگەرییەکی ئەوتۆی لەسەر ئەو زیپکانەی کە لە ئاکامی ورووژاندا دروست نەبوونبۆ نموونە "زیپکەی ژێرەوەی پێست" نەبێت. تێکەڵەی ئاو و سەهۆڵ ئێشی زیپکە کەم دەکاتەوە و زیپکەکە کەمتر دێتە بەرچاو بەڵام ناتوانێ پێکهاتەی زیپکەکە لەناو ببات.
زیپکە لە هەموو شوێنەکانی جەستە سەرهەڵدەدات، بۆ نموونە لە سەر، سنگ و پشت. تکنیکە جۆراوجۆرەکان بۆ بەکارهێنانی سەهۆڵ لەوانەیە لە هەندێک لە بەشەکانی جەستەدا زیاتر وڵامدەر بێت. ئەم رێنوێنییە گشتیانە لە هەر بەشێک لە جەستە بۆ چارەسەری ورووژانی زیپکە بە سەهۆڵ بەکاربهێنن:

*ئەو بەشەی وا زیپکەی لێهاتووە بە ئاوی گەرم بشۆن؛
*سەهۆڵەکە راستەوخۆ مەخەنە سەر پێست؛
*کوتە سەهۆڵەکان لە قوماشێکەوە بپێچن و پاشان لەسەر پێستی دابنێن؛
*سەهۆڵەکە بە ماوەی 30 چرکە بۆ خولەکێک لەسەر پێست دابنێن؛
*وریا بن کاتێک سەهۆڵەکە لەسەر پێستتانە خەوتان لێ نەکەوێت.

 

سەرچاوە: medicalnewstoday

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved