23/11/2020 10:04 PM

باشترین جۆره‌كانی خۆراك بۆ به‌هێزكردنی ماسوولكه‌كان

د.كامه‌ران ره‌سوڵ ژاژڵه‌یی پسپۆڕی زانستی خۆراك بابه‌تێكی بڵاوكردووه‌ته‌وه‌ سه‌باره‌ت به‌ دیاریكردنی باشترین جۆره‌كانی خۆراك بۆ بۆ هێزكردنی ماسولكه‌كان و تێیدا چه‌ندین زانیاری و رێنمایی گشتی و بنه‌ڕه‌تی بڵاوكردووه‌ته‌وه‌.

د.كامه‌ران له‌ بابه‌ته‌كه‌یدا ئاماژه‌ی به‌وه‌ كردووه‌ كه‌ بۆ پاراستنی ماسولكه‌و دروستكردنی ماسولكه‌كان پێویسته‌ ئه‌م خواردنانه‌ بخۆن:
1-ماسی سه‌له‌موون.
2-سینگی مریشك و قه‌ل و گۆشتی سووری بێ چه‌وری.
3-سپێناخ؛ هه‌روه‌ها جه‌رجیر.
4-زه‌یتی زه‌یتوون؛ یه‌ك بۆ دوو كه‌وچكی چێشت له‌ناو زه‌ڵاته‌دا پاش هه‌موو وه‌رزشێك، یان له‌ناو خواردن به‌ڵام بۆ خواردن سووركردنه‌وه‌ نابێت به‌كاربێت.
5-ده‌نكی كه‌تان.
6-شیر؛ یه‌ك بۆ دوو په‌رداخ پاش وه‌رزش یان په‌نیر.
7-سپێنه‌ی هێلكه‌؛ یه‌ك بۆ دوو هێلكه‌ ڕۆژانه‌؛ به‌ ده‌ڵه‌مه‌یی یان كوڵاوی باشتره‌.
8-په‌تاته‌.
9-گوێزو فستق و بادام و گوڵه‌به‌ڕۆژه‌.
10-پاقله‌مه‌نییه‌كان.
11-مۆزو كێوی و شاتوو و توتڕك و شلیك و ئه‌نه‌ناس.

هه‌روه‌ها سه‌باره‌ت به‌ گرنگترین ڕێنماییه‌ گشتی و بنه‌ڕه‌تییه‌كانیش، ئه‌و پزیشكه‌ چه‌ند خاڵێكی دیاریكردووه‌، ئه‌وانیش:
1-گرنگه‌ بڕێكی زۆر ئاو بخورێته‌وه‌ ڕۆژانه‌ له‌نێوان ژه‌مه‌كان؛ له‌كاتی وه‌رزشدا هه‌موو نیو سه‌عاتێك یه‌ك په‌رداخ یان زیاتر ئاو بخورێته‌وه‌.
2-هه‌فتانه‌ پێنج ڕۆژ وه‌رزش پێویسته‌؛ ڕاهێنانی ئاسن یان به‌هێزكردنی ماسوولكه‌كان بۆ ماوه‌ی سێ چاره‌ك یان زیاتر بۆ ماوه‌ی چوار هه‌فته‌ یان زیاتر بۆ دروستكردن و به‌هێزكردنی ماسولكه‌كان؛ دواتر سێ ڕۆژ له‌ هه‌فته‌یه‌ك بۆ پاراستن و هێشتنه‌وه‌یان.
3-به‌كارنه‌هێنانی ده‌رزی هۆڕمۆن وده‌رزی زه‌یتی و به‌كارنه‌هێنانی پاوده‌ری پڕۆتین بۆ ماوه‌یه‌كی زۆرو بێ دڵنیابوونه‌وه‌ له‌ كۆنترۆڵكردنی و شوێنی هه‌ڵگرتنی و باشتره‌ له‌ژێر ڕێنمایی پزیشكدا بێت.
4-به‌كارنه‌هێنانی خواردنه‌وه‌ وزه‌به‌خشه‌كان و كحولیه‌كان و گازیه‌كان.
5-ڕێككردنه‌وه‌ی كه‌می ڤیتامینه‌كان و كانزاكان به‌تایبه‌ت ڤیتامین دی و سی و زنك و كالسێوم و مه‌گنسیۆم.
6-دووركه‌وتنه‌وه‌ له‌ شه‌ونخوونی و نووستن بۆ ماوه‌ی پێویست بۆ زیاتركردنی هۆڕمۆنی گه‌شه‌و هۆڕمۆنی خه‌و و كه‌مكردنه‌وه‌ی هۆڕمۆنی قه‌له‌قی به‌تایبه‌ت كورتیزۆن.
7-خواردنی ژه‌مه‌كان له‌كاتی خۆیدا به‌تایبه‌ت ژه‌می به‌یانی له‌گه‌ڵ خواردنی میوه‌و سه‌وزه‌ دوو بۆ سێ جار ڕۆژانه‌.

خاك - ئا/ لانه‌ كاشان



created by Avesta Group and powered by Microsoft Azure

Copyright © 2015 khaktv all rights reserved