بە گوتەی رۆیتێرز، ئەو بەڵگانەی لەلایەن بنکەیەی حکومییەوە بڵابوونەیەوە دەریدەخەن ئیماراتی یەکگرتووی عەرەبی پێدانی ڤیزای نوێ بۆ شارۆمەندانی 13 وڵاتی مسوڵمان بۆ نموونە ئێران، سوریا و سومالی، راگرتووە. ئەم بەڵگانە کە رەوانەی ئەم کۆمپانیانە کراون کە لەم بنکەیەدا چالاکن و هەواڵنێریی رۆیتێرزیش چاوی پێیان کەوتووە، تێیاندا ئاماژە بە قەدەغەبوونێکی گەشتیاری کراوە کە لە 18ـی نۆڤەمبەرەوە جێبەجێ دەکرێت. بەپێی ئەم بەڵگانە، شارۆمەندانی وڵاتانی جەزیرە، کینیا، عێڕاق، لوبنان، پاکستان، تۆنس و تورکیاش ئەم قەدەغەبوونە دەیانگرێتەوە. رێکخراوی فێدڕاڵی شۆناس و شارۆمەندیی ئیمارات هێشتا هیچ وڵامێکی لەم بارەیەوە ئاراستەی رۆیتێرز نەکردووە. سەرچاوەیەک سەبارەت بە بابەتە بە رۆیتێرزی گوتووە ئیمارات پێدانی ڤیزای نوێی بۆ ئەفغانییەکان، پاکستانییەکان و شارۆمەندانی چەندین وڵاتی دیکەی بەهۆی ئەمنی و بەشێوەی کاتی راگرتووە. هەفتەی رابردوو، وەزارەتی دەرەوەی پاکستان رایگەیاند ئیمارات پێدانی ڤیزای نوێی بۆ هاووڵاتیانی خۆی و چەندین وڵاتی دیکەش راگرتووە. ئەم بنکەیە گوتی سەبارەت بە بابەتە داوای روونکرنەوە لە وڵاتی ئیمارات دەکات بەڵام پێدەچی کە پەیوەندیی بە ڤایرۆسی کۆرۆناوە هەبێت. وەزارەتی دەروەی پاکستان و ئەو سەرچاوەی باسی لێوە کرا گوتیان ئەو کەسانەی خاوەنی ڤیزای بڕواپێکران ئەم یاسا نوێیە نایانگرێتەوە و دەتوان بڕۆنە ناو خاکی ئیماراتەوە.
سەرچاوە: reuters
خاک _ پشکۆ کامەران
created by Avesta Group and powered by Microsoft Azure