نوێترین كتێبی ژنه سیاسه‌تمه‌دارو نووسه‌ر نه‌رمین عوسمان به ناوی گوڵدانی ژن چاپكراو به‌مزووانه بڵاوده‌كرێته‌وه. نووسه‌ر له‌باره‌ی كتێبه‌كه‌یه‌وه ده‌ڵێت: گوڵدانی ژن كه ناوی كتێبه‌كه‌یه ژماره‌یه‌ك چاوپێكه‌وتنی گرنگی تیادایه له‌گه‌ڵ ئه‌و ژنانه‌ی به‌شداری كارایان له كایه‌كانی كۆمه‌ڵایه‌تی، سیاسه‌ت و هونه‌ر كردووه. نه‌رمین عوسمان وتیشی: كتێبه‌كه‌م 33 چاوپێكه‌وتنه له‌گه‌ڵ ئه‌و ژنانه‌ی له بواره‌كه‌ی خۆیاندا پێشه‌نگ بوون، هه‌ریه‌كه‌یان زۆریان بۆ پێشكه‌وتنی خۆیان و كۆمه‌ڵگه‌كه‌یان كردووه‌و بگره قوربانی زۆریشیان داوه‌و زۆربه‌ی چاوپێكه‌وتنه مێژووییه‌كانی ئێستای كه‌ناڵه‌كانی راگه‌یاندن له‌گه‌ڵ پیاوان ده‌كرێت وه‌كو ئه‌وه‌ی ژن بوون رۆڵی نه‌بووبێت له پێشخستنی كۆمه‌ڵگه‌و بواره‌كانی دیكه‌شدا، من ئه‌وه‌م كرده پرۆژه‌یه‌ك و ماوه‌ی چه‌ند ساڵێكه خه‌ریكیم و ده‌مه‌وێت ناو و كاری ژنانی كۆمه‌ڵگه‌م ون نه‌بێت. كتێبی گوڵدانی ژن، له دووتوێی 486 لاپه‌ڕه‌داو به تیراژی 500 دانه چاپكراوه‌و ده‌بێته حه‌ڤده‌یه‌مین به‌رهه‌می ئینستتیوتی نارین بۆ توێژینه‌وه‌و بڵاوكردنه‌وه. خاك - پوكمیدیا
created by Avesta Group and powered by Microsoft Azure