له ئه‌م كتێبه‌دا باس له ئازادی ده‌ربڕین و ڕۆژنامه‌وانی كراوه كه چ گرنگی و بایه‌خێكی هه‌یه، ئه‌و تیۆرانه كامانه‌ن ڕۆژنامه‌وانی پیایاندا تێپه‌ڕیوه‌و باشترینیان كه ئیتیكی ڕۆژنامه‌وانی له سایه‌یدا پێڕه‌و بكرێت كامه‌یه؟ هه‌روه‌ها پێویستی پیاده‌كردنی ئازادیی ڕۆژنامه‌وانیی و مسۆگه‌ركردنی مافی زانین و گه‌یشتن به سه‌رچاوه‌كانی زانیاری و به‌ربه‌سته‌كانی به‌رده‌م ئازادیی ڕۆژنامه‌وانی خراونه‌ته‌ڕوو. دواتر ڕۆڵی ئه‌مجۆره ئازادییه له پیاده‌كردنی ئیتیكی پیشه‌یی و پیشه‌ی ڕۆژنامه‌وانی به‌تایبه‌ت باسكراون. له به‌شی دووه‌می كتێبه‌كه‌دا چه‌مك و به‌ها گرنگی ئیتیك و ئیتیكی ڕۆژنامه‌وانیی و چییه‌تی به‌ڵگه‌نامه‌ی شه‌ره‌فی ڕۆژنامه‌وانی باسكراون و پێوه‌ره‌كانی ئیتیكی ڕۆژنامه‌وانی شیكراونه‌ته‌وه‌و نموونه‌ی پێویستیان له‌باره‌وه خراونه‌ته‌ڕوو. له به‌شی سێیه‌مدا سه‌ربوردێكی مێژوویی ڕۆژنامه‌وانی كوردیی و قۆناغه جیاوازه‌كانی گه‌شه‌كردنی باسكراون. له به‌شی چواره‌مدا به له‌به‌رچاوگرتنی پێوه‌ره‌كانی ئیتیكی ڕۆژنامه‌وانی، ڕۆژنامه‌ی هاووڵاتی هه‌ڵبژێردراوه‌و هه‌ڵسه‌نگاندنی بۆ كراوه. ئه‌م كتێبه، كتێبێكی توێژینه‌وه‌یه‌و د.شوان ئاده‌م ئه‌یڤه‌س نووسیویه‌تی و له ساڵی 2020 دا چاپ و بڵاویكردۆته‌وه. خاك - پوكمیدیا
created by Avesta Group and powered by Microsoft Azure