28/12/2020 12:34 PM

سوودە تەندروستییەکانی خورما بۆ ژنانی دووگیان

خورما میوەیەکە کە لە زۆرینەی ناوچە گەرمەکاندا دەڕوێت. بەکارهێنانی خورما لەم ساڵانەی دواییدا زیادی کردووە. ئەو خورمایەیەی لە وڵاتانی رۆژئاوایی دەفرۆشرێت زیاتر خورمای وشککراوە. سەبارەت بە سوودەکانی ئەم میوە شیرین و بەتامە هەندێک شتمان بیستووە و لەم بابەتەدا کۆمەڵێک زانیاریی زانستی سەبارەت بە خورما ئاراستە دەکرێت.

دابینکردنی وزە: لە ماوەی دووگیانیدا، پێویستتان بە وزەیەکی زیاتر هەیە. خواردنی خورما بەشێوەی رۆژانە دەتوانێ شەکری پێویست بۆ جەستە دابین بکات بەبێ ئەوەی ببێتە هۆی زیادبوونی کالۆرییەکانی ئێوە.
قەبزبوون لەناو دەبات: خورما پڕاوپڕە لە ریشاڵ کە یارمەتی کۆئەندامی هەرس دەدات باشتر کار بکات و لە قەبزبوون بەدوور بێت.
بەرگیریی لە کەموکووڕییەکانی کاتی مناڵبوون: خورما سەرچاوەیەکی گونجاوە بۆ "فۆلات". فۆلات بەرگیری لە کەموکووڕییەکانی کاتی مناڵبوون کە پەیوەندیی بە مێشک و بڕبڕەی پشتەوە هەیە دەکات.
دابینکردنی ڤیتامین K: ڤیتامین K دەبێتە هۆی بەستنی خوێن و بەرهەمهاتنی ئێسک. مناڵ بە ڤیتامین Kـیەکی کەمەوە لەدایک دەبێت. ئەگەر دایک خورما بخوات، لەکاتی شیرپێدان بە مناڵەکە دەتوانێ ڤیتامین Kـی ناو پێکهاتەی ئەم میوەیە بگوازێتەوە بۆ کۆرپەکەی.
پاراستنی هاوسەنگی ئاو و خوێ: خورما پوتاسیۆمی تێدایە کە هاوسەنگی ئاو و خوێ دەپارێزێت، فشاری خوێن کۆنتڕۆڵ دەکات و بەرگیری لە گرژبوونی ماسولکەکان دەکات. کەمبوونی ئەم مادە کانگەییە دەتوانێ ببێتە هۆی کێشەکانی گورچیلە.
گەشەکردنی ئێسک و ددان: مەگنسیۆم یەکێکی دیکە لە مادە پێویستەکانە کە یارمەتی جەستە دەدات بۆ پێکهاتنی ددان و ئێسک. هەروەها شەکر و فشاری خوێنیش رێک دەخات.

 

سەرچاوە: momjunction

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved