باشترین ڤیتامینەکان بۆ تەندروستیی جەستە

ڤیتامینەکان کۆمەڵێک مادەی هەرەپێویستن بۆ تەندروستیی جەستە و لە چەند لاوە سوود بە جەستە دەگەیەنن: 1-یارمەتی خانەکان دەدەن بۆ ئەوەی کارکردێکی نۆرماڵیان هەبێت، 2-بەهێزکردنی گەشەکردنی نۆرماڵی جەستە، 3-وەرگرتنی مادە خۆراکییەکان، 4-بەرگیری لە نەخۆشییەکان، 5-بەرزکردنەوەی ئاستی تەندروستیی گشتیی جەستە.

گرنگترین ڤیتامینەکان بریتین لە:
*ڤیتامین A بۆ بینایی چاو و سیستمی بەرگری
*ڤیتامین B1(تیامین) یارمەتی خانەکان دەدات کاربۆهیدراتەکان بکەن بە وزە
*ڤیتامین B2(ریبۆفلاوین) یارمەتی خانەکان دەدات وزە بەرهەم بێنن
*ڤیتامین B3(نیاسین) یارمەتی کۆئەندامی هەرس و مێشک دەدات
*ڤیتامین B6 یارمەتی جەستە دەدات هێمۆگلۆبین و پەیامنێری عەسەبی لە مێشکدا بەرهەم بهێنیت، کارکردی مێشک بەهێز بێت و ئاستی گلۆگۆز(خۆراکی خانەکان) بەشێوەیەکی هاوسەنگ رابگرێت
*ڤیتامین B12 یارمەتی جەستە دەدات بۆ پێکهاتنی خڕۆکەی سوور، پاراستنی سیستمی عەسەبی و میتابۆلیزم
*ڤیتامین C بۆ تەندروستیی پووک و ددان بەسوودە و یارمەتی جەستە دەدت برینەکان چاک بکاتەوە
*ڤیتامین D بۆ وەرگرتن و پاراستنی هاوسەنگیی کالیسیۆمی خوێن پێویستە
*ڤیتامین E بۆ گرسان(بەستن)ـی خوێن زۆر پێویستە
*بیۆتین بۆ شکانی پرۆتین و کاربۆهیدراتەکان یارمەتیدەرە و رۆڵ دەبینێ لە بەرهەمهاتنی هۆرمۆن وکۆلسترۆڵ
*پانتۆتنیک ئاسید کارکردەکەی هاوشێوەی بیۆتینە
*فۆلات(ئاسید فۆلیک) یارمەتیدەرە بۆ پێکهاتنی خڕۆکە سوورەکان و بەرهەمهاتنی DNA

گرنگترین سەرچاوەکانی دەستەبەرکردنی ڤیتامین:
*هێلکە: ڤیتامین K، B12، B3، B1، A، بیۆتین و پانتۆتنیک ئاسید
*ئەڤەکادۆ: ڤیتامین B6، B3، E و پانتۆتنیک ئاسید
*شیر: ڤیتامین D، B12، B2، بیۆتین و پانتۆتنیک ئاسید
*گوڵی کەلەرم: ڤیتامین K و ڤیتامین C
*پرتەقاڵ و هاوشێوەکانی: ڤیتامین C و فۆلات
*دانەوێڵە و میوە کاکڵدارەکان(بادام و گوێز و...): ڤیتامین B6، B3 و بیۆتین
*سەوزەوات: ڤیتامین K، E، C، فۆلات

 

سەرچاوە: healthline

خاک _ پشکۆ کامەران