زۆرینەی ئێمە ئەزموونی ئەوەمان هەیە کە بەیانیان دەممان بۆنی بێت. سەرەڕای ئەوەی زۆر کەس هەست بە شەرمەزاری دەکەن لەم حاڵەتە، بەڵام هەموومان جار جار بەیانیان ئەم کێشەیەمان هەیە و وادیارە خووەکانی ئێمە بەرپرسن بۆ دروستبوونی ئەم کێشەیە. هەڵبەت پزیشکی تایبەت بە دەم و ددانتان لەوانەیە باسی کاریگەریی فڵچەلێدانی ددانی کردبێت بۆ لەناوچوونی ئەم بۆنە بەڵام جگە لە کێشە تەندروستییەکانی دەم و ددان چەند هۆکاری دیکەش هەن بۆ دروستوونی ئەم بۆنە ناخۆشە. لەدرێژەدا ئاماژە بەم هۆکارانە دەکەین.
وشکبوونی دەم: ئاوی دەم بەکتریاکانی ناو دەم دەشواتەوە و لەو رووەوە کە لە کاتی خەودا رادەی ئاوی دەم کەم دەبێتەوە، بەیانیان کە لە خەو هەڵدەستین بەم بۆنە ناخۆشە خەبەرمان دەبێتەوە. چەند خۆراکی تایبەت: ئەو خۆراکانەی دەیانخۆین لەسەر بۆنی دەممان کاریگەریان هەیە. بۆ نموونە پیاز و سیر ئەگەرچی سوودی تەندروستیان هەیە بەڵا م بەهۆی ئەو بۆنەی لە دەمدا دروستی دەکەن زۆر لۆمە دەکرێن. دۆخی تەندروستی کەسەکان: زۆر کەس تووشی کێشەی گەڕانەوەی ئاسیدی گەدە بۆ ناو بۆری خۆراک دەبێت؛ ئەم رووداوە پێی دەگوترێت ریفلاکسی گەدە و یەکێک لە دەرئەنجامەکانی بۆنی ناخۆشی دەمە. خەوتن بە دەمی کراوەوە: وەک باس کرا لە کاتی خەودا بەرهەمهاتنی ئاوی دەم کەم دەبێتەوە. کاتێک بە دەمی کراوەوە بخەوین دەممان زیاتر وشک دەبێت و ئەمەش رێگە خۆش دەکات بۆ چالاکیی بەکتریاکان کە هۆکارن بۆ دروستبوونی بۆنی دەم.
سەرچاوە: brightside
خاک _ پشکۆ کامەران
created by Avesta Group and powered by Microsoft Azure