1/3/2021 05:46 PM

زیانەکانی خۆراکی سوور کراوە

راستە خۆراکی سوور کراوە بۆ نموونە پەتاتەی سوور کراو، جبز، پیاز و ڕۆن، مریشکی سوور کراوە و خۆراکی لەم چەشنە زۆر بەتامن، بەڵام لە ریزی خۆراکە ناتەندروستەکاندا جێگیر دەبن.
رۆن مادەیەکی خۆراکییە کە هۆکارە بۆ قەڵەوی و ئێوە بۆ سوور کردنەوەی ئەم خۆراکانە پێویستتان بە بڕێکی زۆر لەم مادەیە هەیە. نوقم کردنی مەوادی خۆراکی لەناو رۆنێکی زۆردا دەبێتە هۆی کەم بوونەوەی خێرایی ئامادەبوون و بەرزبوونەوەی چەوریی لە خۆراکەکاندا.
خواردنی رۆژانەی ئەم خۆراکە چەورانە ئاستی کۆلستڕۆڵ و نووسانی چەوری بە دیواری دەمارەکان بەرز دەکەنەوە و هەر ئەمە هۆکاری سەرەکیی تووشبوون بە نەخۆشییەکانی دڵ و دەمارە. توژینەوە بڵاوبووەکان لە گۆڤاری ئەنجومەنی تەندروستیی ئەمریکا لە ساڵی 2015ـدا دەریدەخات پەیوەندییەکی راستەوخۆ لەنێوان خۆراکی سوور کراوە و کێشە تەندروستییەکانی دڵدا هەیە.
هەروەها توێژینەوە بڵاوبووەکانی ناو گۆڤاری ئەنجومەنی خۆراکی ئەمریکا لە ساڵی 2014ـدا روونی دەکەنەوە کە خواردنی بەردەوامی خۆراکە سووو کراوەکان لەگەڵ تووشبوون بە نەخۆشیی شەکرەی جۆری دووەم و نەخۆشیی دەمارەکانی دڵ پەیوەندیی راستەوخۆی هەیە.
هەروەها ئەو خۆراکانەی دەوڵەمەندن بە کاربۆهیدرات و کاتێک لە پلەیەکی گەرمیی بەرزدا سوور دەبنەوە، مادەیەکی زیانبەخش بە ناوی «ئاکریل ئامید» بەرهەم دێنن کە مەترسیی تووشبوون بە شێرپەنجەی لێدەکەوێتەوە.

 

سەرچاوە: top10homeremedies

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved