20/3/2021 12:02 AM

سه‌مون به‌ مۆز و خورما

كه‌ره‌سته‌كان:
3 مۆز
50 گرام خورما به‌بێ ده‌نك
150 گرام ئارد
3 هێلكه‌
نیو كوپ گوێز
نیو كوپ كشمیش
1 كه‌وچكه‌ چا پیكی پاوده‌ر
نیو كوپ شیری ته‌ڕی پاكه‌ت

شێوازی ئاماده‌كردن:
1- سه‌ره‌تا فڕنه‌كه‌ت گه‌رمبكه‌ له‌سه‌ر پله‌ی گه‌رمی 180
2- له‌ڕێگای به‌كارهێنانی ئامێری كاره‌بای هاڕه‌ر (میكسه‌ر) مۆزه‌كان و خورماكان تێكه‌ڵبكه‌ تا هاوشێوه‌ی هه‌وری لێدێت.
3- له‌ناو قاپێكی قوڵدا ئاردو پیكیپاوده‌ر تێكه‌ڵبكه‌.
4- دواتر 3 هێلكه‌كه‌و نیو كوپ شیره‌كه‌شی به‌سه‌ردا بكه‌و هه‌مووی بشێله‌ تا ده‌بێت به‌ هه‌ویرێكی نه‌رم و شل.
5- ئێستاش تێكه‌ڵه‌ی خورماو مۆزه‌كه‌ تێكه‌ڵی هه‌ویره‌كه‌ بكه‌و دیسان بیشێله‌.
6- هه‌روه‌ها گوێزه‌كان وردبكه‌و دواتر تێكه‌ڵی هه‌ویره‌كه‌ی بكه‌.
7- له‌ كۆتاییدا كشمیشه‌كانیشی تێكه‌ڵبكه‌.
8- ئێستاش بیخه‌ره‌ ناو قاڵبی فڕنه‌كه‌وه‌و بۆ ماوه‌ی 50 خوله‌ك له‌ناو فڕندا بیبرژێنه‌.
9- دوای ئه‌وه‌ی كه‌ سه‌مونه‌كه‌ برژا بۆ ماوه‌ی 10 خوله‌ك دایبنێ تا كه‌مێك سارد ده‌بێته‌وه‌.

خاك –  ئاژانسه‌كان



created by Avesta Group and powered by Microsoft Azure

Copyright © 2015 khaktv all rights reserved