22/3/2021 06:55 PM

رۆژانە پەرداخێک ئاوی هەنار بخۆرەوە و کۆمەڵێک سود وەربگرە

سوودەکانی ئاوی هەنار:

1. یەکێکە لە بەهێزترین ئاوی میوەکان کە دەکرێ وەکوو دژە شێرپەنجە کار بهێندرێت. ئاوی هەنار بەهۆی رێژەیەکی یەکجار زۆر دژە ئۆکسیدانت و مادەی دژە هەوکردن، بە تایبەتی سودی زۆری هەیە بۆ شێرپەنجەی پرۆستات و مەمک.

2. ئاوی هەنار لە ڕێگەی دابەزاندنی چەوری کۆلیسترۆڵ و ترایگیسراید و کەم‌کردنەوی  خەست بونەوەی خوێن لە بۆرییەکانی خوێندا، یارمەتی چارەسەری گیران و تەسک بونەوەی بۆریەکانی خوێن ئەدات و بەگشتی چارەسەرێکی خۆراکییە لەئاست زۆربەی نەخۆشیەکانی دڵ.

3. خواردنەوەی رۆژانە پەرداخێک بۆ ماوەی 2 هەفتە بە رێژەیەکی بەرچاو فشاری بەرزی خوێن دادەبەزێت.

4. ئاوی هەنار بەسوودە بۆ باشتر بوونی ئازاری ئەژنۆ و جومگەکان، هەروەها لە ڕێگەی کۆنتڕۆلی هەوکردنەوە، سوودی زۆری دەبێ بۆ ڕۆماتزم و ئازاری پشت و قاچ.

5. هەروەها ئاوی هەنار بەسوودی بۆ جوان کردنی پێستی مرۆڤ، سڕینەوەی زیپکە و پەڵە و فرەش کردنەوەی پێست و زیاد کردنی خێرایی گەشەی قژ.

6. لە رێگەی دابەزاندنی سترێس و هیلاکی‌و هەروەها کۆنتروڵی هۆرمۆنی کۆرتیزۆلەوە سودێکی زۆر بە مێشک دەگەیێنێت و تا رادەیەک رێگر دەبێ لە ئەلزەهایمەر.

7.  یارمەتی چارەسەری  کێشەکانی هەرسکردن و کۆڵۆن و هەروەها قەبزی و هەوکردنی ریخۆڵە ئەدات.

8. لە بەرامبەر باکتریا و  ڤایرۆس و کەڕو هەموو جۆرە هەوکردنێکدا، سیستمی بەرگری جەستە بەهێز دەکات.


سەرچاوە: healthline
خاک _ شاهۆ

 

 



created by Avesta Group and powered by Microsoft Azure

Copyright © 2015 khaktv all rights reserved