ته‌پسی به‌ هێلكه

كه‌ره‌سته‌كان:
۵ هێلكه‌
۳ ته‌ماته‌
۵۰ غرام په‌نیری په‌ستا
نیو ده‌سك كه‌ره‌وز
چه‌ند گه‌ڵایه‌ك نه‌عنا
رۆنی گوێزی هیندی
به‌هاراتی بیبه‌ری ره‌ش
كه‌مێك خوێ

شێوازی ئاماده‌كردن:
1- سه‌ره‌تا فڕنه‌كه‌ له‌سه‌ر پله‌ی ۲۰۰ گه‌رمبكه‌.
2- دواتر سینی فڕنه‌كه‌ به‌ڕۆنی گوێزی هیندی چه‌ور بكه‌.
3- ئێستا هه‌ر ۵ هێلكه‌كان بشكێنه‌و بیخه‌ره‌ ناو سینییه‌كه‌.
4- ته‌ماته‌كان به‌خڕی قاش بكه‌و له‌سه‌ر سینیه‌كه‌ دایبنێ.
5- ئێستاش په‌نیری په‌ستا وردبكه‌و به‌سه‌ر هه‌موو كه‌ره‌سته‌كانی ناو سینییه‌كه‌دا بكه‌.
6- كه‌ره‌وزه‌كه‌ بجنه‌و له‌گه‌ڵ چه‌ند گه‌ڵایه‌ك نه‌عنا بیخه‌ره‌ ناو سینی فڕنه‌كه‌وه‌.
7- له‌كۆتاییشدا كه‌مێك به‌هاراتی بیبه‌ری ره‌ش و خوێیان به‌سه‌ردا بكه‌.
8- ئێستاش بۆماوه‌ی ۱۵ تا ۲۰ خوله‌ك بیخه‌ره‌ ناو فڕنه‌كه‌وه‌.

خاك