13/4/2021 03:57 PM

مه‌ترسییه‌کانی چاره‌سه‌رنه‌كردنی غوده‌ی ته‌مه‌ڵ


غودەی تەمەڵ بەرپرسە لە بەرهەمهێنانی دوو هۆڕمۆن بە ناوەکانی "Thyroxine" و "Triiodothyronine " کە هەردوکیان پێویستن بۆ چالاکییە سروشتییەکانی کۆی خانەکانی جەستە. ئەگەرچی سستی غودەی تەمەڵ زۆر بەربڵاوە بەڵام بەتایبەتی لەناو خانماندا زیاترە و دەتوانێ دوو جۆری کورتماوە و درێژخایەنی هەبێت. ماڵپەڕی healthline بەم جۆرە زیانەکانی چارەسەرنەکردنی ئەم نەخۆشییە باس دەکات:


1. غوده‌ی ته‌مه‌ڵ دەتوانێ ببێت بە هۆکار بۆ به‌رزبونه‌وه‌ی چه‌وری دڵ و گیرانی بۆڕیه‌كانی دڵ، هەروەها گرژبونەوەی ماسوڵكه‌کانی دڵ و به‌رزبونه‌وه‌ی فشاری خوێنیشی لێدەکەوێتەوە.

2. گه‌وره‌بونەوە و ئاوسانی غوده‌ی ده‌ره‌قی، دەتوانێت ببێته‌ هۆکاری ناڕه‌حه‌تی و هه‌ناسه‌توندی و هەروەها سەخت قوتدانی خواردن.

3. سستی غودەی تەمەڵ یه‌کێکە له‌ هۆكاره‌ گرنگه‌كانی قه‌ڵه‌وی و ئه‌گه‌ر كه‌سه‌كه‌ هه‌وڵی دابەزاندنی کێشیش بدات، سودنی نابێت، تاوه‌كو چاره‌سه‌ری گرفتەکەی نه‌كات.

4. سستی غودەی تەمەڵ ئەتوانێ ببێتە هۆی ئاوساوی قاچ و ڕوخسار و هەروەها  سڕبون و مێروله‌كردن لە په‌له‌كاندا.

5. سستی غوده‌ی ته‌مه‌ڵ دەتوانێت‌ ببێته‌ هۆی نه‌زۆكی له‌ ئافره‌تان و پیاواندا، چارەسەرنەکردنی ئەم گرفتە لە ئافره‌تانی سكپڕدا، دەتوانێت ببێته‌ هۆی له‌دایكبوونی پێشوه‌ختە و له‌بارچوون.

 6. ئەگەر غودەی تەمەڵ چارەسەر وه‌رنه‌گرێت دەتوانێت ببێتە هۆی هه‌ندێک حاڵه‌تی درێژخایه‌ن وه‌كوو كه‌مخوێنی و قه‌بزی و ڕوتانەوەی قژ و هەروەها دەتوانێت ببێته‌ هۆی خەوتنی زیاتر و تێكچونی باری دەرونی ناجێگیر و خه‌مۆكی.



سەرچاوە: healthline 
خاک _ شاهۆ



created by Avesta Group and powered by Microsoft Azure

Copyright © 2015 khaktv all rights reserved