ئەم ڤیتامینە کە بە کۆبالامین دەناسرێت، بڕێکی زۆر لەئاوی جەستە ڕادەکێشێت، بەرپرسە لە دروستکردنی خوێن و یارمەتی چالاکییەکانی مێشک دەدات. جەستەی مرۆڤ خۆی توانای بەرهەمهێنانی ئەم جۆرە ڤیتامینەی نییە و پێویستە لە ڕێگەی خواردنەوە فەراهەم بکەین، بڕێکی زۆ لەم ڤیتامینە لە بەرهەمە ئاژەڵییەکاندا دەست دەکەوێت وەکو گۆشت و شیر و هێلکە. بەڵام هەندێک جار لەبەر چەند هۆکارێک ئاستی ئەم ڤیتامینە دادەبەزێت و پێوسیتە لەڕێگەی خواردنە حەبی تایبەتەوە قەرەبوو بکرێتەوە. ماڵپەڕی healthline لە بابەتێکدا بەم جۆرە باس لە نیشانەکانی کەمیی ڤیتامین B12 دەکات: 1. لەپاش ئەنجامی کەمترین چالاکییەکان هەست بە هیلاکی و ماندوبون دەکەیت. 2. وزەی خوێنت دادەبەزێت و ئەگەری ئەوە هەیە توشی سەرئێشە ببیتەوە. 3. خێرایی ڵیدانی دڵت زیاد دەکەت و توشی هەناسە تەنگی دەبیتەوە. 4. لە هەندێک حاڵەتدا هەست بە ئاوسانی دەم و زمانت دەکەیت. 5. هەست بە بێهێزی دەکەیت و ئەنجامی کارەکانت دوادەخەیت. 6. ئارەزوی خواردنت کەم دەکات و کێشت بەرە بەرە دادەبەزێت. سەرچاوە: healthline خاک _ شاهۆ
created by Avesta Group and powered by Microsoft Azure