گیراوه‌یه‌كی جیاواز بۆ زه‌ڵاته‌ به‌ خه‌یار

چۆنێتی دروستكردنی گیراوه‌یه‌ك به‌ خه‌یار كه‌ وه‌ك زه‌ڵاته‌ له‌گه‌ڵ گۆشت و خواردنی توندا ئاماده‌ ده‌كرێت، جیاوازتر له‌ ترشیاتی كورده‌واری ئه‌م گیراوه‌یه‌ پێویستی به‌وه‌ نییه‌ بۆ ماوه‌یه‌ك دابنرێت، به‌پێچه‌وانه‌وه‌ له‌گه‌ڵ ئاماده‌كردن ده‌ستبه‌جێ ده‌خورێت.

كه‌ره‌سته‌كان:
1 خه‌یار
1 قاش پیازی سوور
نیو بیبه‌ری تونی بچوك و سوور
2 كه‌وچك چێشت شه‌كر
1 كه‌وچك چێشت خه‌ل
1 كه‌وچك چا خوێ
1 كوپ ئاو

شێوازی ئاماده‌كردن:
* خه‌یاره‌كه‌ له‌ ناوه‌ڕاسته‌وه‌ له‌سه‌ر درێژی بیكه‌ به‌ دوو قاش، دواتریش به‌ته‌نكی قاشیان بكه‌.
* قاشه‌ پیازه‌كه‌و نیو بیبه‌ره‌كه‌ش زۆر به‌وردی قاشبكه‌.
* له‌ناو قاپێكدا ئه‌و كه‌ره‌ستانه‌ هه‌مووی تێكه‌ڵبكه‌.
* هه‌وڵبده‌ له‌ناو مه‌نجه‌ڵێكدا یه‌ك كوپ ئاو و خه‌ل و شه‌كرو خوێیه‌كه‌ش تێكه‌ڵبكه‌.
* مه‌نجه‌ڵه‌كه‌ له‌سه‌ر ئاگر دابنێ و به‌رده‌وام تێكیبده‌ تا ده‌كوڵێت.
* له‌ كۆتاییدا به‌سه‌ر قاپه‌ زه‌ڵاته‌كه‌یدا بكه‌و بۆ ماوه‌یه‌ك دایبنێ تا سارد ده‌بێته‌وه‌، له‌گه‌ڵ ساردبوونه‌وه‌ ئاماده‌یه‌ بۆ خواردن.

خاك