یەکێک لە بەشە گرنگەکانی تەندروستییی گشتیی جەستە تەندروستیی قاچە و پێی دەگوترێت "دڵی دووەم". بەڵام ئەم ئەندامە گرنگەی جەستە زۆر جار پشت گوێ دەخرێت و بە بەکارهێنانی پێڵاوی نەگونجاو دەیخەینە مەترسییەوە. لە درێژەدا بەشێک لە رێکارەکانی پاراستنی تەندروستیی قاچ دەخەینە روو.
*با قاچەکانتان خاوێن و وشک بن و هەموو شەوێک بە ئاو و سابوون بیانشۆن و بیانشێلن و داتر بە جوانی وشکیان بکەنەوە. نێوان قامکەکان شوێنێکی گونجاوە بۆ گەشەی میکرۆبەکان، کەوابوو بە جوانی بیشۆن و وشکی بکەنەوە. *هەموو شەوێ بەر لە خەوتن، سەرنجی قاچەکانتان بدەن و بە دیتنی هەر چەشنە گۆڕانێک لە پێست و رەنگی نینۆکی قاچ، سەردانی پزیشک بکەن چونکە لەوانەیە نیشانەی هەوکردنی پێست بێت. *لەکاتی کردنی نینۆکدا وریا بن نینۆکەکان لە پێست و گۆشتی قامکەکان هەڵنەچن، چونکە هۆکاری هەوکردنێکی پڕ ئازارە. *کەوش و گۆرەوییەکانتان با لەگەڵ کەسێکی دیکە هاوبەش نەبێ. *لە هاویندا پێڵاوی گونجاو و فێنک لەبەر کەن. *پێڵاوی چەرم بەکار بێنن چونکە هۆکارە بۆ سووڕی هەوا لە پێڵاودا. *خۆتان لە بەکارهێنانی پێڵاوی تەنگ بپارێزن.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure