12/5/2021 12:37 AM

ژیانكردن له‌گه‌ڵ دایك و باوكان به‌سووده‌

له‌ یه‌كه‌م رۆژی له‌دایكبوون تا ده‌گه‌یت به‌ ته‌مه‌نێكی گونجاو ژیان له‌گه‌ڵ دایك و باوك به‌سه‌رده‌به‌یت، هه‌روه‌ها له‌كاتێكدا بڕیاری سه‌ربه‌خۆبوون ده‌ده‌یت و ده‌چیته‌ ناو ژیانی هاوسه‌رگیرییه‌وه‌، ماڵ جیاده‌كه‌یته‌وه‌، له‌وكاتانه‌شدا بیر له‌ چه‌ند خاڵێك ده‌كه‌یته‌وه‌و ده‌رده‌كه‌وێت كه‌ ژیان له‌گه‌ڵ دایك و باوك چه‌ند ئاسانه‌.

له‌كاتێكیشدا سه‌ربه‌خۆ ده‌ژیت، بیر له‌م خاڵانه‌ی خواره‌وه‌ ده‌كه‌یته‌وه‌و به‌هایان زیاتر ده‌بێت.
* له‌وكاتانه‌ی له‌گه‌ڵ دایك و باوك ژیانت به‌سه‌رده‌برد، پێویستت به‌وه‌ نه‌بوو به‌رده‌وام خواردن بكڕیت و بیرت له‌ ئاماده‌كردنی نانخواردنی ژه‌مه‌كان نه‌ده‌كرده‌وه‌.
* هه‌موو كاتێك جله‌كانت بۆ شۆردرابوو.
* پاككردنه‌وه‌ی ناوماڵ و راگرتنی پاكوخاوێنی به‌ته‌واوه‌تی له‌سه‌ر تۆ نه‌بوو.
* كرێ خانوویان بۆ ده‌دایت و چاككردنه‌وه‌ی كه‌لوپه‌لی ناو ماڵیش له‌سه‌ر تۆ نه‌بوو.
* له‌كاتی به‌یانیاندا خه‌می ئه‌وه‌ت نه‌بوو له‌كاتی پێویست به‌خه‌به‌ر بێیت، چونكه‌ به‌رده‌وام كه‌سێك هه‌بوو خه‌به‌رت بكاته‌وه‌.
* هه‌رگیز هه‌ستت به‌ته‌نهایی نه‌ده‌كرد.
* به‌رده‌وام چوارده‌ورت قه‌ڵه‌باڵغ بوو له‌كه‌سه‌ نزیكه‌كانت و خۆشه‌ویستیان بۆ ده‌رده‌بڕیت.
* باشترین ده‌رفه‌تت له‌به‌ر ده‌ستبوو بۆئه‌وه‌ی گرنگی به‌خوێندن بده‌یت و هه‌روه‌ها به‌ئاسانی پاره‌ت بۆ كۆده‌كرده‌وه‌ تا خۆت ئاماده‌بكه‌یت بۆ دواڕۆژ.

خاك – ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved