16/6/2021 05:09 PM

بزاڤی كورد لە سوریا و دیاردەی ئینشقاق

بزاڤی كورد لە سوریا و دیاردەی ئینشقاق
(1916 – 2016 )

ئەم كتێبە لە نووسینی عەلی شەمدینەو لە دووتوێی 461 لاپەڕە لەلایەن دەزگای چاپ و پەخشی ئایدیا چاپ و بڵاوكراوەتەوە.

ئەم كتێبە ساڵی 2016 بە زمانی عەرەبی لە شاری سلێمانی بڵاوبۆتەوەو دواتر لەلایەن شاناز هیرانی و ئاران عەلییەوە كراوەتە كوردی.

ئەم كتێبە بە دۆكۆمێنتكردنی خەباتی ئەو كەسانەیە كە لە سەرەتاوە بە هەوڵ و كۆششی خۆیان ڕێگەی سەخت و دژوارەكەی خەباتیان كردووە لە بەردەم گەلەكەمان و بە ڕۆحە یاخییەكان بەرامبەر بە ستەمكاری و زوڵم و زۆرداری ڕووناكیان كردووە.

ئەمە بەرهەمی كۆششی نەوەكانی ئێستایە ئەوانەی سووربوون لەسەر نەپچڕانی كاروانی خەباتی یەكبوون لەو ڕێگەیەی پڕە لە دڕك و داڵ و ئاستەنگ.

نووسەر باس لەو چەواشەكاریانە دەكرد كە وەك ڤایرۆس درزی كردۆتەوە ناو بزافی كورد لە سوریا، بەتایبەتی ڤایرۆسی تەكەتول و ئینشقاق و دابڕان و لێكترازان.

ئەم كتێبە یەكەمین كتێبە لە كتێبخانەی كوردی سوریا كە باس لە پەتای نگریسی لێكترازان و ئینشقاق دەكات لەناو بزافی كورد لە سوریاو سەرچاوەیەكی گرنگە بۆ سیاسییەكانی كورد لە سوریا.

ناوی كتێب/  بزاڤی كورد لە سوریا و دیاردەی ئینشقاق
ناوی نووسەر/ عەلی شەمدین
بابەت/ سیاسی
وەرگێڕان بۆ كوردی، شاناز ڕەمزی هیرانی و ئاران عەلی
دیزاین/ ئومێد عوسمان
تیراژ/ 500 دانە
ساڵی چاپ/ 2018
چاپخانە/ حەمدی
نرخ/ 8000 دینار

خاك - پوكمیدیا




created by Avesta Group and powered by Microsoft Azure

Copyright © 2015 khaktv all rights reserved