پەروەردە و راهێنانی مناڵ بەتایبەت لەم سەردەمە بووەتە یەکێک لە کێشە سەرەکییەکانی هەموو خێزانەکان. بەشێک لەم کێشەیە پەیوەندی بە گۆڕانی لایف ستایلی مرۆڤی سەردەمەوە هەیە و بەشێکیشی بێگومان بەرهەمی نائاگایی خێزانەکانە لە چۆنیەتی راپەڕاندنی ئەم ئەرکە قورس و گرنگە. لەدرێژەدا ئاماژە بە چەند خاڵ دەکەین کە دەتوانن لەم بوارەدا یاریدەدەرتان بن. لە ژەمە خۆراکی مناڵاندا سەوزە و میوە لە یاد مەکەن: جەستەی مناڵ لە حاڵی گەشەدایە و لەم قۆناغەدا سیستمی خۆراک زۆر گرنگە. میوە و سەوزە دەوڵەمەندن بە مادە خۆراکیە بەسوودەکان کە سیستمی بەرگری مناڵ بەهێز دەکات و ئەگەری تووشبوونیان بە نەخۆشی کەم دەکاتەوە. لای مناڵەکەتان جگەرە مەکێشن: جگەرەکێشان هۆکارە بۆ کێشە تەندروستییەکانی کۆئەندامی هەناسە لە مناڵاندا بۆ نموونە نەخۆشیی ئاسم، هوکردنی کۆئەندامی ئەناسە، هەوکردنی گوێ و لە کۆتاییدا مەرگ. هەر بۆیە بە هیچ جۆرێک لە ماڵەوە جگەرە مەکێشن. هانی بدەن بە فڵچە ددانەکانی بشوات: خراپبوونی ددان یەکێک لە کێشە باوەکانی مناڵانە و ئەگەر چارەسەر نەکرێن رێگە بۆ جۆرەکانی هەوکردن و نەخۆشی خۆش دەکات. کەوابوو مناڵەکەتان هان بدەن رۆژی دوو جار فڵچە لە ددانەکانی بدات. هەوڵ بدەن زوو بیخەوێنن: کەمبوونی خەو دەتوانێ بە کەمکردنەوەی هێزی سیستمی بەرگری رێگە خۆش بکات بۆ هێرشی میکرۆب و خانەکانی شێرپەنجە بۆ ناو جەستە و بەم جۆرە مناڵەکە تووشی نەخۆشی دەبێت، مناڵان بەپێی تەمەنیان دەبێ 10 بۆ 16 کاتژمێر بخەون.
چەند خاڵی دیکە بە کورتی *ئیزن بدەن لە ئیشەکانی ماڵەوەدا یارمەتیتان بدەن. *ئەو کارەی وا ئێوە ئەنجامی دەدەن دەبێتە سەرچەشن بۆ مناڵەکەتان، کەوابوو ئاگاتان لە هەڵسوکەوتەکانتان بێ *بە وردی سەرنجی ژیانی مناڵەکەتان بدەن. *رێز لە سەربەخۆیی مناڵەکەتان بگرن *پارێز بکەن لە هەڵسوکەوتی توندوتیژانە لەگەڵ مناڵ، لە هەر کات و دۆخێکدا.
سەرچاوە: gahwareh
خاک _ پشکۆ کامەران
created by Avesta Group and powered by Microsoft Azure