سەرەڕای پێشکەوتنێکی زۆر کە لە بواری زانستی پزیشکیەوە هاتووەتە ئاراوە بەڵام بەداخەوە رۆژ لە دوای رۆژ ژمارەی قوربانیانی جەڵتە زۆر دەبن. لە ئێستادا هەر دووک چینی گەنج و پیر بە یەک رادە تووشی ئەم کێشە مەترسیدارە دەبنەوە. بە گوتەی پزیشکان لایف ستایل و بەتایبەت جۆری خۆراک دەتوانێ زۆر کاریگەر بێت بۆ بەرگیری کردن لە جەڵتە. لەدرێژەدا ئاماژە بە چەند خۆراک دەکەین کە مەترسیی ئەم ئازارە کەم دەکەنەوە. قەیسی وشک: گەورەساڵ هەموو رۆژێک پێویستیان بە بڕێکی دیاریکراو لە پوتاسیۆمە و کەمبوونی ئەم مادەیە جەڵتەی مێشک و دڵی لێدەکەوێتەوە. پەرداخێک قەیسی وشک دەتوانێ 32٪ـی پێویستیی رۆژانەی ئێوە بەم مادە گرنگە دابین بکات. ئەڤەکادۆ: پەرداخێک ئەڤەکادۆ 24٪ـی پێویستیی رۆژانەی ئێوە بە پوتاسیۆم دابین دەکات. هەروەها لە پێکهاتەی ئەڤەکادۆدا کۆمەڵێک ئاسیدی چەوری بەسوودی تێدایە لە ورووژانەکانی جەستە کەم دەکەنەوە. گەڵای چەوەندەر: گەڵای چەوەندەری کۆڵاو دەتوانێ 20٪ پێویستیی رۆژانی ئێوە بە پوتاسیۆم دابین بکات. گەڵای چەوەندەر دەوڵەمەندە بە پوتاسیۆم و مەگنسیۆم کە هەردوکیان هۆکارن بۆ پاراستنی فشاری خوێن و بەم جۆرە بەرگیری لە جەڵتە دەکات. پەتاتە: یەک دانە پەتاتەی مامناوەند دەتوانی 20٪ـی پوتاسیۆمی جەستە دابین بکات و ئەم رێژەیە دوو بەرابەری ئەو پوتاسیۆمەیە کە لە مۆزدا هەیە. سپیناخ: ئەم سەوزەیە دەوڵەمەندە بە ڤیتامین K، فۆلات، کالسیۆم و ئاسن. هەروەها برێکی زۆری ریشاڵ هەیە، واتە ئەو مادەیەی کە مەترسیی جەڵتەی دڵ و مێشک کەم دەکاتەوە. پەرداخێک سپیناخ 50٪ـی پێویستیی ژنان و 37٪ـی پێویستیی پیاوان بە مەگنسیۆم دابین دەکات.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure