چۆن مۆبایلەکەت بە دروستيى شەحن دەکەیتەوە؟

یەکێک لەو کێشانەی ڕوبەڕووی بەکارهێنەرانی مۆبایلی زیرەك دەبێتەوە، زوو دابەزینی ڕێژەی شەحن و زوو لەناوچوونی تەمەنی پاتری مۆبایلەکانیانە. هۆکاری ئەوەش بەکارهێنانی ڕێگای هەڵەیە لە شەحنکردنەوەی مۆبایلدا.

لەڕێگای چوار ئامۆژگاريیەوە دەتوانیت بەرگری لە مانەوەی تەمەندرێژی پاتری مۆبایلەکەت بکەیت.

1-بەجێنەهێشتنی مۆبایل بە شەحنەوە کاتێک ڕێژەی شەحنەکەی دەگاتە ١٠٠%.

2-مەرج نیە ڕێژەی شەحنی مۆبایل بگاتە ١٠٠%، بەشێک لە توێژینەوەکان ئاماژە بەوە دەکەن ڕەنگە زۆری ڕێژەی شەحن ببێتە هۆی کەمبوونەوەی تواناو لەناوچوونی پاتری مۆبایل.

3-هەوڵبدرێت لە ڕۆژێکدا زیاتر لە جارێك مۆبایل شەحنبکرێتەوە، پێشئەوەی ڕێژەی شەحنی مۆبایل بگاتە ١٠%.

4-پاتری مۆبایلە زیرەکەکان بە ڕێژەیەکی زۆر هەستیارن بەجۆرێک لەکاتی شەحنکردندا پلەی گەرمیان بەرزدەبێتەوە، بۆیە پێویستە لەکاتی شەحنکردندا مۆبایلەکەت بەدوور بگریت لە شوێنی گەرم.

خاك