هەموومان لە ژیاندا تووشی سترێس دەبین و هەر کەسێک بە شێوەیەک هەوڵ دەدات دەرباز بێت لەم حاڵەتە، بە واتایەکی دیکە کەمکردنەوەی ئەم سترێسە بە باشترین شێوە ئەنجام بدات. بەدڵنیاییەوە ناکرێ هەمیشە رێکارەکان لەبەرچاو بگرین و باشترین رێکار ئەوەیە کە لە ماوەیەکی کورتدا ئەنجام بدرێت. خاڵی گرنگ ئەوەیە کە دەکرێ بە ئەنجامدانی هەندێک جووڵەی تایبەت لە ئەندامەکانی جەستەدا ئەم فشار و سترێسە کۆنتڕۆڵ بکەین. هەندێک لە ئەندامەکانی جەستە هەن کە بەگشتی شوێنی کۆبوونەوەی سترێس و فشارە جەستەییەکانن و ئەمەش رێگە خۆش دەکات بۆ سترێسی زەینی. کاتێک ئەم شوێنانە مەساج بکرێن ئەو زەختە ئازاد دەبێت و مرۆڤ بە ئارامییەکی رێژەیی دەگات. بۆ نموونە پشتی سەر زەختێکی یەکجار زۆری لەسەرە. هەر بۆیە ئەگەر لەسەر کورسییەک دانیشن و بە ئارامی ئەم بەشە مەساج بکەن و بیشێلن و بە ماوەی 20 چرکە ئەم کارە ئەنجام بدەن، زەختی ئەم شوێنە کەم دەبێتەوە و بەرگیری لە سترێس دەکات. پشت گوێ، سنگ، سک، باسک، بەری دەست و بن قاچ بەشێکی دیکە لەو شوێنانەن کە ئەگەر بە ئارامی مەساجی بکەن دەتوانن دەرباز بن لە حاڵەتی سترێس و بە ئارامی بگەن.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure