وەرزش نەکردن کۆمەڵێک زیانی جدی بۆ جەستە و دەروونی مرۆڤ هەیە، هەر بۆیە ئەو کەسانەی وەرزش ناکەن دەبێ چاوەڕێی کێشە و مەترسیی زۆر جدی بن. هەر کەسێک دەبێ رۆژانە ٤٥ بۆ ٥٠ خولەک وەرزشێکی سووک یان مامناوەند ئەنجام بدات. لەدرێژەدا بەشێک لە زیانەکانی وەرزش نەکردن دەخەینە روو. دڵ لاواز دەبی: وەرزشکردن دڵ و دەمارەکان لە حاڵەتێکی چالاکدا رادەگرێت. وەرزشکردن لێدانی دڵ رێک دەخات و سیستمی هەناسەدان بەهێز دەکات. بەشێکی زۆر لە نەخۆشییەکانی دڵ و دەمار پێوەندی بە وەرزش نەکردنەوە هەیە. ماسولکەکان بچووک دەبنەوە: یەکێک لە گرنگترین رۆڵەکانی وەرزشکردن بەهێزکردنی ماسولکەکانە. کاتێک وەرزش ناکەن بە ئەنجامدانی چالاکییەکی کورت ماندوو دەبن و هۆکەرەکەشی بچووکبوونەوە و لاوازبوونی ماسولکەکانە. سیستمی خەو تێک دەچێت: وەرزشکردن پێوەندیی راستەوخۆی لەگەڵ کواڵیتی خەو هەیە و ئەگەر خەوەکەتان باش نەبێت و وەرزش نەکەن، رووبەڕووی کۆمەڵێک نەخۆشیی مەترسیدار دەبنەوە. کاتێک پیاسەی خێرا دەکەن ماندوو دەبن و بەم جۆرە خەوێکی باشتان دەبێت. ئاستی شەکری خوێن تێک دەچێت: شەکرەی جۆری ٢ بەداخەوە تەندروستیی هاووڵاتیانی لەگەڵ مەترسیی جدی رووبەڕوو کردووەتەوە. ئەمە ئاڵۆزییەکی میتابۆلیکە کە بە چەندین نیشانە خۆی دەردەخات و یەکێک لەو ئاڵوگۆڕانەی دەتوانێ کاکردی شەکری خوێن تێک بدات نەبوونی چالاکیی جەستەییە. لەسەر مێشک کاریگەریی نەرێنی دەبێت: مێشک هاوشێوەی ماسولکەیە کە دەکرێ بە وەرزشکردن بەهێزی بکەیت بۆ ئەوەی باشتر کار بکات، بەڵام لەگەڵ بەرزبوونەوەی تەمەن لاواز دەبێت. بە گوتەی توێژەران وەرزش و چالاکیی جەستەیی خێرایی ئەم پرۆسەیە کەم دەکاتەوە.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure