تووڕەبوون کاردانەوەی سروشتی مرۆڤە لە بەرامبەر هەندێک دۆخ و حاڵەتی تایبەتدا. هۆکار یان بزوێنەرانی ئەم هەستە لە دەروونی مرۆڤدا جۆراوجۆرن بەڵام بەهەرحاڵ دەبێ بە شێوەیەک لە شێوەکان ئەم کاردانەوەیە کۆنتڕۆڵ بکەن ئەگیان کاریگەریی نەرێنی لەسەر تەندروستیی دەروونی و تەنانەت جەستەیی مرۆڤ دەبێت. لەدرێژەدا چەند رێکار بۆ کۆنتڕۆڵ کردنی تووڕەبوون دەخەینە روو. هەناسەیەکی قووڵ بدەن: تووڕەبوون لە کەسەکاندا، ورووژانی فیزیۆلۆژیک بۆ نموونە بەرزبوونەوەی لێدانی دڵ و فشاری خوێنی لێدەکەوێتەوە. بۆ کەمکردنەوەی ئەم ورووژانانە، دەبێ هەناسەیەکی قووڵ بدەن و تان ١٠ بژمێرن. سەبارەت بە تووڕەبوونەکەتان لەگەڵ هیچ کەس قسە مەکەن: هەندێک کەس ئەم رێکارە بە جۆرێک بەتاڵبوونەوە دەربازبوون لە تووڕەبوون دەزانن بەڵام بەپێی توێژینەوەکان ئەم کارە نەک هەستی تووڕەبوون کەم ناکاتەوە بەڵکوو هەڵچوونەکەتان زیاتر دەکات. هەوڵ بدەن کێشەکەتان چارەسەر بکەن: تووڕەبوون بەگشتی کاتێک دێتە دی کە کێشەیەک لەئارادا بێت. کەوابوو تا ئەو کاتەی ئەو کێشەیە کە بزوێنەری تووڕەبوونە چارەسەر نەکرێت ناتوانن ئەم هەستە لەخۆتاندا کۆنتڕۆڵ بکەن. کاری فیزیکی ئەنجام مەدەن: خراپترین شێوە بۆ کۆنتڕۆڵکردنی تووڕەبوون ئەنجامدانی کاری فیزیکییە بۆ نموونە مشت کێشان بە دیواردا یان شکاندنی قاپ و قاچاغ. ئەم رەفتارە ئەگەری تێکهەڵچوونی فیزیکی لەگەڵ مرۆڤەکانی دیکە لە ئێوەدا بەهێز دەکات.
سەرچاوە: CNN
created by Avesta Group and powered by Microsoft Azure