هەندێک جار کێشە جدییەکان خۆیان بە نیشانەیەکی بچووک دەردەخەن و هەر بۆیە ئێمەش بە هەندیان وەرناگرین. واباشە گوێ لە دەنگی جەستەمان بگرین و بە وردی سەرنجی ئاڵوگۆڕەکان بدەین بۆ ئەوەی بەخێرایی رێگری لە نەخۆشی و کێشەی جدی بکەین. لەدرێژەدا بەشێک لەم نیشانانە دەخەینە روو. سەرئێشەی بەردەوام و قورس: زۆرینەی کەسەکان تووشی سەرئێشە و میگرێن دێن بەڵام بەدواداچوونی بۆ ناکەن. ئەو سەرئێشانەی قورس و بەردەوامن دەتوانن نیشانەی کێشەی جۆراوجۆر بن لە جەستەدا و واباشە بەخێرایی تاوتوێ بکرێن. گەشکە: جێی سەرنجە کە بزانن نزیکەی ٣٪ـی خەڵکی جیهان یەک جار لە ژیانیاندا حاڵەتی گەشکە ئەزموون دەکەن. گەشکە بۆ جاری یەکەم هەندێک ترسێنەرە بەڵام هەمیشەی نیشانەی نەخۆشی فێ نییە و لەوانەیە نیشانەی چەندین کێشەی دیکە بێت لە مێشکدا. لاوازبوونی چاو: هەموومان خاوەنی چاوێکی بەهێز نین بەڵام لاوازبوونی چاو ئەگەر نائاسایی بێت دەتوانێ نیشانەی مەترسی بێت. کەوابوو واباشە بەخێرایی سەردانی پزیشکی چاو بکەین. بوورانەوە: ئەگەر پێشتر کەوتوونەتە دۆخێکی قەیراناوییە و بووراونەتەوە و گەنجیشن، ئەوە بزانن کە کێشەیەک لە دڵ و دەمارەکانتاندا هەیە و دەبێ بەخێرایی بەدواداچوونی بۆ بکەن. سەرگێژبوونی بێ‌هۆ: زۆر کەس تووشی سەرگێژبوون دەبن بەڵام ئەگەر بێ‌هۆ و لەنەکاو تووشی ئەم حاڵەتە بوون، بە ئەگەری زۆر کێشەیەک لە سووڕی خوێنتاندا هەیە و دەبێ بەخێرایی چارەسەری بکەن. تەنگەنەفەسی: ئەوەی کە لە هەندێک بارودۆخدا؛ بە ئەگەری زۆر لە کاتی دڵەڕاوکێ و سترێسدا تەنگەنەفەس دەبن رەنگە بابەتێکی سروشتی بێ بەڵام ئەگەر لە کاتی چالاکییەکی سووکدا بەخێرایی پشووتان سوار دەبێت نابێ پشتگوێی بخەن.
سەرچاوە: namnak
خاک _ پشکۆ کامەران
created by Avesta Group and powered by Microsoft Azure