23/1/2022 09:27 AM

به‌م نیشانانه‌ بزانه‌ كه‌ گیرۆده‌ی فه‌یسبوك بویت

ئایا هه‌ست ده‌كه‌یت كه‌ ناتوانیت واز له‌ فه‌یسبووك بهێنیت؟ ئایا كه‌ له‌خه‌و هه‌ڵده‌ستیت یه‌كسه‌ر په‌ڕه‌ی فه‌یسبووك ده‌كه‌یته‌وه‌؟

بۆ زانینی هۆگری (مدمین)ی خۆت به‌ فه‌یسبوكه‌وه‌ 4 نیشانه‌ باس ده‌كه‌ین، گه‌ر زانیت گیرۆده‌ی بوویت، پێویسته‌ رێژه‌ی سه‌ردانیكردنت كه‌مبكه‌یته‌وه‌.

1- ئه‌گه‌ر كه‌سێكیت گرنگی به‌ شێوه‌ی وێنه‌كان ده‌ده‌یت و له‌ زۆرترین كاتدا وێنه‌كانی خۆت ل ه‌فه‌یسبووكدا بڵاوده‌كه‌یته‌وه‌و خه‌یاڵت لای ئه‌وه‌یه‌ كه‌ هاوڕێكانت چی بۆ وێنه‌كه‌ت ده‌نووسن له‌ كۆمێنتدا، ئه‌وه‌ بزانه‌ تۆ گیرۆده‌ی فه‌یسبووكیت.

2- ئایا پێگه‌كانی تر به‌كارده‌هێنیت؟ ئه‌گه‌ر سه‌ردانی پێگه‌كانی تر ده‌كه‌یت جگه‌ له‌ تۆڕی كۆمه‌ڵایه‌تی فه‌یسبووك، ئه‌وه‌ تۆ گیرۆده‌ی فه‌یسبوك نیت، به‌ڵام به‌پ ێچه‌وانه‌وه‌ ته‌نها گرنگی به‌ په‌یجه‌كه‌ی خۆت و فه‌یسبوك ده‌ده‌یت، ئه‌وه‌ پێویسته‌ بزانیت هۆگری فه‌یسبووك بویت.

3- له‌وباوه‌ڕه‌دایت كه‌ ناتوانیت سه‌ردانی فه‌یسبووك نه‌كه‌یت؟ ئه‌گه‌ر وه‌ڵامه‌كه‌ت (به‌ڵێ)یه‌ ئه‌وه‌ بزانه‌ تۆ گیرۆده‌و مودمینی فه‌یسبوكیت، چونكه‌ توێژه‌ره‌ران ده‌ڵێن: ئه‌و كه‌سانه‌ی باوه‌ڕیان وایه‌ سه‌ردانیكردنی فه‌یسبووك مودمینیه‌، ئه‌وه‌ به‌دڵنیاییه‌وه‌ زیاتر سه‌ردانی ده‌كه‌ن.

4- له‌وباوه‌ڕه‌دایت كه‌ فه‌یسبووك لایه‌نی ده‌روونیت باش ده‌كات؟ توێژه‌راوان له‌وباوه‌ڕه‌دان كه‌ ئه‌و كه‌سانه‌ی توشی روخانی ده‌روونی و شكست بوون له‌ ژیانی تایبه‌تیاندا، ئه‌وا زیاتر گیرۆده‌ی فه‌یسبووك ده‌بن، چونكه‌ تێڕوانینیان وایه‌ كه‌ فه‌یسبووك خه‌می سه‌رشانیان سوك ده‌كات.

خاك – س/ t3me




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved