شه‌وانه له كاتی نوستندا مه‌یكه‌پ به ده‌موچاوته‌وه بهێڵیته‌وه زیان به پێستت ده‌گه‌یه‌نێت. له میدیاكاندا ده‌بینیت كه ئه‌ستێره ناوداره‌كانی جیهان به‌رده‌وام خاوه‌ن پێستێكی جوان و روونن، گه‌ر لێیان ده‌پرسیت چۆن ده‌گه‌ن به پێستێكی ته‌ندروست له وه‌ڵامدا ده‌ڵێن كه شه‌وانه به مه‌یكه‌په‌وه ناخه‌ون و پێستی ده‌موچاویان جوان پاكده‌كه‌نه‌وه، هه‌روه‌ها گرنگی به خواردنه‌وه‌ی ئاو ده‌ده‌ن بۆ ئه‌وه‌ی پێستیان جوان بێت. پزیشكانی جوانكاری و پێست خانمان ئاگادارده‌كه‌نه‌وه كه له‌كاتێكدا مه‌یكه‌پ زیان به باری ته‌ندروستی پێست ده‌گه‌یه‌نێت گه‌ر به‌رده‌وام شه‌وانه به مه‌یكه‌په‌وه بخه‌ون، چونكه ده‌ڵێت كه زۆربه‌ی ئه‌و خانمانه‌ی چاره‌سه‌ریان ده‌كه‌ین به‌هۆی هێشتنه‌وه‌ی مه‌یكه‌پ له شه‌واندا توشی نه‌خۆشی پێست بوون. ده‌شڵێن كه چه‌ند جۆره مه‌یكه‌پێك هه‌ن له‌سه‌ریان نوسراوه بۆ ماوه‌ی 24 كاتژمێر به‌كاردێت، به‌ڵام كارێكی باش نیه بۆ كاتێكی زۆر مه‌یكه‌پ له‌سه‌ر پێستی ده‌موچاو بمێنێته‌وه، له‌هه‌مانكاتدا رێنمایی ده‌ده‌ن له‌سه‌ر شۆردنی ده‌موچاو له‌كاتێكدا به كلێنسی ته‌ڕ مه‌یكه‌پی سه‌ر پێستی ده‌موچاو ده‌سڕیته‌وه. خاك - ئاژانسه‌كان
created by Avesta Group and powered by Microsoft Azure