دوای ئەوەی لەلایەن گەلەری زاموا نۆهەمین پێشانگەی تایبەتی هونەرمەند (ئاری بابان) لەهۆڵی مۆزەخانەی سلێمانی رۆژی 17/4/2016 كرایەوە، بەمبۆنەیەوە هونەرمەندی پەیكەرتاش (بەختیار هەڵەبجەیی) لە دەروازەی كردنەوەی پێشانگاكەدا پەیكەرێكی مۆمی بۆ (ئاری بابان) دروستكردو پەردەی لەسەر لابرا.ئەم پێشانگەیە (٢٠)تابلۆی جیاواز لە قەبارە و رەنگ و بابەتی لەخۆ گرتوو كە هونەرمەند بە بۆیاخی زەیت و ئەكریلك و ماتریاڵی تر درووستی كردبوون. لەبارەی پەیكەرە مۆمیەكەوە، بەختیار هەڵەبجەیی رایگەیاند:ئەم پەیكەرە بۆ هونەرمەندێكە كە خاوەن ئەزمون و ستایڵی خۆیەتی و جێگای شانازییە كە وەكو رێزلێنان لە ئاری بابان ئەم پەیكەرە دروستبكرێت، دیارە پەیكەرەكە بە مادەی سلیكۆن دروستمكردووەو قەبارەكەی هێندەی مرۆڤی ئاساییە و دوو مانگ سەرقاڵی دروستكردنی بووم. خاك- بەیاد مەریوانی
created by Avesta Group and powered by Microsoft Azure