كۆی گشتی ئاوی ئێستای ده‌ریاچه‌ی دوكان له كۆی حه‌وت ملیار مه‌تر سێجا، سێ ملیارو پوینت چوار مه‌تر سێجایه. له‌وباره‌یه‌وه ئه‌ندازیار محه‌مه‌د تاهیر جه‌لال به‌ڕێوه‌به‌ری به‌نداوی دوكان رایگه‌یاندووه: رێژه‌ی بارانبارینی ئه‌مساڵ له قه‌زای دوكان 380 ملم-ه‌و به به‌راورد به ساڵی رابردوو 26 ملم زیاتره. وتیشی: به‌هۆی بارانبارینی چه‌ند رۆژی رابردوو ئاستی ئاوی ده‌ریاچه‌ی دوكان سێ مه‌ترو 75سم به‌رزبوه‌ته‌وه‌و له 12-2-2018 وه تا ئه‌مڕۆ 675 ملیۆن مه‌تر سێجا ئاو خه‌زنكراوه‌و كۆی گشتی ئاستی ئاو له ده‌ریاچه‌ی دوكانیش به به‌راورد به ساڵی رابردوو له‌مكاته‌دا ته‌نها 45 سم نزمتره. راشیگه‌یاند: له یه‌ك چركه‌دا 547 مه‌تر سێجا ئاو ده‌رژێته ده‌ریاچه‌ی دوكانه‌وه، هاوكات له یه‌ك چركه‌شدا 67 مه‌ترسێجا ئاو بۆ خواردنه‌وه و كاره‌با به‌رده‌رێته‌وه. خاك - راگه‌یاندی قائیمقامیه‌تی قه‌زای دوكان
created by Avesta Group and powered by Microsoft Azure