پۆلیسی سلێمانی لە راگەیەنراوێكیدا كە وێنەیەكی گەیشتۆتە خاك رایگەیاندووه: بە مەبەستی زیاتر دابینكردنی ئارامی و ئاسایشی سنورەكەیان، بەشی پۆلیسی سەیدسادق بە هەمئاهەنگی لەگەڵ هێزەكانی پۆلیسی هاتوچۆو ئاسایش هەڵمەتێكیان بۆ دەستگیركردنی كەسانی لەیاسا هەڵاتوو و دەستبەسەراگرتنی ئۆتۆمبێل و ماتۆڕسكیلی بێ سەرەتا دەستپێكرد. دەشڵێت: لەو هەڵمەتەدا دەستگیرا بەسەر ژمارەیەك ماتۆڕسكیلی بێ سەرەتاو سەرجەم كافتریاو گازینۆكانی سنورەكەش بەسەركرانەوەو لەوێش دەستگیرا بەسەر چەند چەقۆو بۆكس خەنجەرێكدا. ئەوەشی روونكردۆتەوە: ژمارەیەك لە كافتریاو گازینۆكان داخران و پەڕاوی لێكۆڵینەوەیان بۆ كرایەوە بەهۆی پابەندنەبوونیان بە ڕێنماییەكانەوە. هەڵمەتەكاتی هێزەكانی پۆلیسی پارێزگای سلێمانی بە سەرجەم قەزاو ناحییەكانییەوە بەردەوامی دەبێت و سەرجەم كافتریاو گازینۆكانی سنوری پارێزگای سلێمانی بەسەردەكرێنەوەو لەهەر شوێنێك سەرپێچی هەبێت، سەرپێچیكاران دەستگیردەكرێن و ڕوبەڕووی یاسا دەكرێنەوە. خاك
created by Avesta Group and powered by Microsoft Azure