وەزارەتی كشتوكاڵی هەرێم رایگەیاندووه: بڕیاردراوە بە ڕەچاوكردنی رێكارەكانی خۆپارێزی و تەندروستی رێگا بكرێتەوە بۆ ناردنی مریشك بۆ ناوەڕاست و خوارووی عیراق دوای ئەوەی لە پێداویستی بازاڕی ناوخۆيیمان زیاد دەبێت. وەزارەتی كشتوكاڵ و سەرچاوەكانی ئاوی حكومەتی هەرێم رایگەیاند: لە چوارچێوەی بەدواداچوونی بەردەواممان بۆ ئەو كێشەو گرفتانەی روبەڕووی پڕۆژە كشتوكاڵیيەكانمان دەبنەوە، بەتایبەت خاوەن كێڵگە پەلەوەرییەكان، دوای راوێژ لەگەڵ وەزیری ناوخۆ بڕیاردرا بە ڕەچاوكردنی رێكارەكانی خۆپارێزی و تەندروستی رێگا بكرێتەوە بۆ ناردنی مریشك بۆ ناوەڕاست و خواروی عیراق دوای ئەوەی لە پێداویستی بازاڕی ناوخۆیيمان زیاد دەبێت. روونیشیكردوەتەوە: ئەمەش بۆ ساغكردنەوەی بەرهەمی خاوەن كێڵگەكان و پاڵپشتیكردنیان وەك بنەمایەكی گرنگی كەرتی كشتوكاڵ لە هەرێمی كوردستاندا، بۆ ئەو مەبەستە ژووری ئۆپەراسیۆنی پارێزگاكان كارئاسانی دەكەن بۆ خاوەن پڕۆژەكان. وەزارەتی كشتوكاڵ و سەرچاوەكانی ئاو سوپاسی وەزیری ناوخۆو ژووری ئۆپەراسیۆنی پارێزگاكان و ئیدارە سەربەخۆكان دەكات بۆ هەماهەنگی كردنیان لەگەڵیاندا. خاك
created by Avesta Group and powered by Microsoft Azure