فڕۆكەخانەی نێودەوڵەتی سلێمانی لە ئاگاداریيەكدا درێژكردنەوەی راگرتنی گەشتە ئاسمانیەكانی تا 22ی ئایار دووپاتكردەوە. لەو ئاگاداریەی فڕۆكەخانەی نێودەوڵەتی سلێمانیدا هاتووە: لە ئاگادارینامەیەكدا دەسەڵاتی فڕۆكەوانی شارستانی عێراقی بڕیاری ماوەی ڕاگرتنی گەشتە ئاسمانییەكان لە سەرجەم فڕۆكەخانەكانی عێراق تــا ٢٠٢٠/٥/٢٢ درێژكردەوە. روونیشكراوەتەوە: ئەوەی جێگەی ئاماژەپێدانە بڕیارەكە گەشتی فڕۆكەكانی مانگی سورو سەربازی و یارمەتییە تەندروستییەكان و فریاگوزارییەكان و بارهەڵگر (كارگۆ) ناگرێتەوه. ئاماژە بەوەش دراوە: دەرچوواندنی بڕیارەكەی دەسەڵاتی فڕۆكەوانی شارستانی عێراقی لە چوارچێوەی بەرگریكردنە لە بڵاوبوونەوەی ڤایرۆسی كۆرۆنا. خاك - بەشی پەیوەندییە گشتیەكان و ڕاگەیاندنی فڕۆكەخانەی نێودەوڵەتی سلێمانی
created by Avesta Group and powered by Microsoft Azure