وەزارەتی پەروەردە سەبارەت بە قوتابخانەو پەیمانگا ناحكومییەكان و كرێی خوێندن، فەرمانێكی وەزاری دەركرد بەپێی فەرمانەكەش، بڕیاردراوە بە داشكاندنی كرێی خوێندن بۆ گشت قوتابیانی قوتابخانەو پەیمانگا ناحكومییەكانی وەزارەتی پەروەردە بەڕێژەی 10%. لە فەرمانێكی وەزاری وەزارەتی پەروەردەی حكومەتی هەرێمی كوردستان كە ئیمزای د.ئالان حەمە سەعید وەزیری پەروەردەی لەسەرە سەبارەت بە قوتابخانەو پەیمانگا ناحكومیيەكان و كرێی خوێندن، راگەیەنراوە: لەبەر بەرژەوەندی گشتی رەچاوكردنی دۆخی هاووڵاتیان و مامۆستایان و فەرمانبەرانی كەرتی تایبەت و كاروباری ناوەندەكانی خوێندنی ناحكومی، تەنها بۆ ئەمساڵی خوێندنی 2019-2020 بڕیاردرا بە داشكاندنی كرێی خوێندن بۆ گشت قوتابیانی قوتابخانەو پەیمانگا ناحكومییەكانی وەزارەتی پەروەردە بەڕێژەی 10% لەكۆی گشتی كرێی خوێندنی ئەمساڵ و وەرنەگرتنی پارەی خواردن و گواستنەوە بۆ مانگەكانی 3-4-5. راشگەیەنراوە: ئەم فەرمانە ئەو قوتابیانە ناگرێتەوە كە بەخێوكارانیان خاوەنی پلەی باڵاو تایبەتن لە كەرتی حكومی (مەدەنی و سەربازی) و داشكاندنەكەش ئەوانە ناگرێتەوە كە لەماوەی ئەمساڵی خوێندندا بەهەر شێوازێك بێت داشكاندنیان بۆ كراوە. خاك دەقی فەرمانە وەزارییەكە بە وێنە...
created by Avesta Group and powered by Microsoft Azure