لقی سلێمانی سەندیکای رۆژنامەنوسان لە بانگەوازێکدا کۆمەڵێک رێنمایی بۆ رۆژنامەنوسان بڵاو دەکاتەوە هەتا بەدووربن لە توشبون بە ڤایرۆسی کۆرۆنا و بەریەک کەوتن. بانگەوازێك لە لقی سلێمانیەوە بۆ رۆژنامەنووسە مەیدانیەكانی سنووری لقەكەمان هیوای سەرساغی و سەلامەتی بۆ گشت لایەك دەخوازین و دڵنیاین ئەم قۆناغە ناخۆشەش تێدەپەڕێنین و میدیای كوردی و هەڵگرانی ئاڵای میدیا تۆمارێكی جوان و سەركەوتوانە بۆخۆیان تۆمار دەكەن، بەڵام خۆپارێزیی و خۆپاراستن بەهەر سێ قۆناغەكەیەوە: هۆشیاركردنەوە خۆپاراستن چارەسەر بۆ ئێمەی رۆژنامەنووسان زۆر گرنگە، چونكە بەركەوتەمان لەگەڵ خەڵكانی تر زۆرترە.. پاش ئەوەی ژمارەیەك لە هاوپیشەو هاوكارە مەیدانیەكانمان دووچاری پەتاكە بوون و كاكە رەهێڵی جوانەمەرگیش گیانی سپارد، بۆیە داواكارین لەجاران زۆر زیاتر رێو شوێنی هۆشیاری و پاراستن و چارەسەر بگرنە بەرو رەچاوی ئەم خاڵانەی خوارەوە بكەن كە لەسەرانسەری جیهاندا وەك ستانداردێك رۆژنامەنووسان پەیرەوی دەكەن، داواكارین هاوكارانمان بەوردی پابەند بن بەم رێو شوێنە جیهانیانەوە. ستانداردەكانی خۆپاراستنی رۆژنامەنووس: 1/ با زۆرینەی زۆری لێدوان و ئینتەرڤیوەكانتان لەرێگهی تهلهفۆنو مۆبایلو سكایپ و هۆكارەكانی تری گەیاندنەوە بێت.. 2/ كۆی رێنماییه تهندروستیهكان پهیرهو بكرێن و ماوەی نێوانتان بە مەترو نیو رابگرن. 3/ مەرج نیە هەموو لێدوانەكانتان راستەوخۆ بن بەتایبەت لەم قۆناغەی ئێستای سلێمانیدا. 4/ با میدیاکارە مەیدانیەکان پشکنینی کۆرۆنا بکەن ئەگەر نیشانەكانیشیان تێدا نەبێت. 5/ هێلی گەرمی ژمارە ١٢٢ بەكار بهێنن بە مەبەستی دڵنیابوون. 6/ تكا لەوێنەگرەكان دەكەین كە پیشەكەیان نزیكبوونەوە دەخوازێت كە: */ لەم قۆناغەدا تەنها گرنگی بە رووداوە گەورەكان بدەن و پیشەی رۆتینی رۆژانە دوابخەن. */ پاكژكردنەوەی سەرجەم كامێراو ستاندولینزو مۆبایل و ئینارەو شمەك وكەلوپەلی هونەری بە كهولو مادەكانی تر. */رێگا مەدەن كەسی تر كەلوپەلەكانتان بۆ بگوازێتەوە یان دەستكاریان بكات. */ هەوڵ بدەن لەیەك جێگادا كاتێكی زۆر نەمێننەوە. */ بەدوای سەرچاوەی زانستی و لێكۆڵینەوەكاندا بگەڕێن و بزانن نوێترین و باشترینەكانی خۆپارێزی لە جیهاندا چین.. */ بەرنامە رێژیتان ئامادە كردبێت بۆ ئەو كاتانانەی خوانەكردە نیشانەكانتان تێدا دەركەوت. */ لەكاتی وێنەگرتنی كەسی تووشبوو یان دەزگا تایبەتەكان بە كۆرۆنا هەوڵبدەن سوود لە لینزی نزیككەرەوە ببینن تا نەچنە پێشەوە. */ هەوڵبدەن تەوالێتو دەستشۆری شوێنە گشتیەكان بەكار نەهێنن.. */ با باجی رێگەپێدانتان لەملدا بێت تا دووچاری نزیك بوونەوەو پرسیاركردنی هێزەكانی ناوخۆ نەبنەوە. */ ئۆتۆمبیلەكانتان و هۆكاری گواستنەوەتان لەجێگایەكی دوور لە شوێنی تووشبوان پارك بكەن. */ لەگەڵ دەركەوتنی نیشانەكان مەرجە كەناڵەكەت بەزووترین كات ئاگادار بكەیت. جگە لە خۆپاراستنی رۆژنامەنووسانی ئازیزمان داواكارین رەچاوی ئەم ئەركە گرنگانەی پیشەكەت بكەیت: 1- پاراستنی تایبەتمەندیی كەسی هەڵگر یان نەخۆش، یان كەرەنتینەكراو، دەرنەخستنی شێوەو شكڵو دەنگو.........هتد 2- پیشان نەدانی گریان و پرسەو ناشتن و هەر حاڵەتێك پەیوەست بە كۆچكردوان یان كەسوكاریان. 3- كار لەسەر ئەو ستۆریانە بكرێت كە دەبنە هۆكار بۆ هۆشیاری و خۆپارێزیو چارەسەری گشتیی. 4- دەرنەخستنی تووشبوان بە ئازارو نركەو ناڵەوە، تا بەرامبەر (وەرگر) تووشی تۆقین و فۆبیا نەبێت. 5- دەرخستنی تیمە تەندروستیەكان (سپی پۆشەكان) و گرنگی ئەركو پیرۆزی كارەكەیان. 6- دەرخستنی گرنگی ئەركی تیمەكانی پۆلیس و ئاسایش و فریاكەوتنی خێراو تیمی ناشتنی تەرمەكان. 7- دەرخستن و جوانكردنی ئەو كەسو تیم و رێكخراوانەی رۆڵی بەخشینی خوێنو پلازماو یارمەتیە مرۆییەكانیان هەیە. 8- پێویستە سەرجەم كەناڵەكان پێداویستیە گرنگەكانی پاراستن بۆ تیمەكانیان دابین بكەن. سوپاس بۆ خهمخۆریتان و بۆ خۆپارێزیتان *لقی سلێمانی سهندیكای رۆژنامهنووسانی كوردسان خاك
created by Avesta Group and powered by Microsoft Azure