ئایفۆن باشتره‌ یان گالاكسی؟ به‌راوردكارییه‌ك ببینه‌و بڕیار بده‌

سایتی (ته‌ك ئینسایده‌ر)ی ئه‌مریكی چه‌ند تایبه‌تمه‌ندییه‌كی مۆبایلی گالاكسی S7ی بڵاوكردووه‌ته‌وه‌، پێده‌چێت ئه‌و تایبه‌تمه‌ندییانه‌ی له‌مۆبایله‌كه‌ی سامسۆنگدا هه‌یه‌ له‌مۆبایله‌كانی ئایفۆندا نه‌بێت كه‌ خۆی له‌م خاڵانه‌ی خواره‌وه‌دا ده‌بینێته‌وه‌:

1- مۆبایلی گالاكسی S7 تایبه‌تمه‌ندی شه‌حنی بێ ته‌لی هه‌یه‌، به‌وته‌ی كۆمپانیای سامسۆنگیش ئه‌م جۆره‌ شه‌حنكردنه‌وه‌یه‌ خێراتره‌ له‌شه‌حنكردنه‌وه‌ی كلاسیكی كه‌ به‌كێبڵ شه‌حنده‌كرێته‌وه‌، به‌ڵام ئه‌م تایبه‌تمه‌ندییه‌ تائێستا له‌ئایفۆندا بوونی نیه‌.

2- سامسۆنگ تایبه‌تمه‌ندییه‌كی تری شه‌حنكردنه‌وه‌ی بۆ گالاكسی S7 زیادكردووه‌، كه‌ به‌نیو كاتژمێر رێژه‌ی شه‌حنی ده‌گاته‌ %60، ئه‌م تایبه‌تمه‌ندییه‌ش له‌ئایفۆندا بوونی نیه‌.

3- سامسۆنگ رایگه‌یاند كه‌ مۆبایله‌ نوێیه‌كه‌ی تایبه‌تمه‌ندی پاره‌دانی تێدایه‌و ده‌توانێت له‌گه‌ڵ ئامێری خوێنده‌وه‌ی كارتی دڵنیایی كۆن كاربكات، به‌ڵام ئه‌مه‌ له‌ئایفۆندا جیاوازه‌ چونكه‌ مۆبایله‌كانی پێویستی به‌كارتی خوێنه‌ری تایبه‌ت هه‌یه‌.

4- كامێرای گالاكسی S7 هه‌ڵده‌ستێت به‌كرداری Auto- Focus كه‌ كاركردنه‌كه‌ی له‌كامێرای ئایفۆن خێراتره‌.

5- سامسۆنگ تایبه‌تمه‌ندییه‌كی نوێی بۆ شاشه‌ی مۆبایله‌كه‌ی زیادكردووه‌ كه‌ واده‌كات هه‌میشه‌ رووناك بێت، به‌بێ ئه‌وه‌ی كار له‌شه‌حنی پاتری مۆبایله‌كه‌ بكات، ئه‌م تایبه‌تمه‌ندییه‌ش له‌ئایفۆندا نیه‌.

6- گرنگترین تایبه‌تمه‌ندی گالاكسی S7 ئه‌وه‌یه‌ كه‌ ده‌توانرێت قه‌باره‌ی خه‌زنی مۆبایله‌كه‌ به‌هۆی (micro SD)ـه‌وه‌ زیادبكرێت.

7- مۆبایله‌ نوێیه‌كه‌ی سامسۆنگ دژه‌ئاو ته‌پوتۆزه‌، به‌ڵام مۆبایلی ئایفۆن 6S  ته‌نها شاشه‌كه‌ی تایبه‌تمه‌ندی پاراستنی له‌ئاوی تێدایه‌، واته‌ به‌ته‌واوی دژه‌ئاو نیه‌و ئاوی تێده‌چێت.

خاك – و/ گۆران قادر
س/ الدیار