شۆربای سپێناخ ‌ و هێلكه‌ به‌كه‌ره‌

له‌م بابه‌ته‌دا فێری چۆنێتی دروستكردنی شۆربای شپێناخ و هێلكه‌ به‌كه‌ره‌تان ده‌كه‌ین.

كه‌ره‌سته‌كان بۆ هێلكه‌ به‌كه‌ره‌:
115 گرام كه‌ره‌
3 زه‌ردێنه‌ی هێلكه‌ی كوڵاو
خوێ
به‌هاراتی بیبه‌ری ره‌ش

كه‌ره‌سته‌كان بۆ شۆربای سپێناخ
25 گرام كه‌ره‌
1 پیاز به‌وردكراوی 
40 گرام برنج
1 لیتر ئاو به‌تامی مریشك
500 گرام سپێناخ

شێوازی ئاماده‌كردنی:
كه‌ره‌سته‌كان بۆ هێلكه‌ به‌كه‌ره‌ هه‌موو له‌ناو قاپێكدا تێكه‌ڵ بكه‌و پاشان به‌ ده‌ست شێوه‌ی هێلكه‌ی خڕی لێ دروست بكه‌و ئاماده‌ی بكه‌ بۆ ناو شۆرباكه‌.

بۆ شۆرباكه‌، یه‌كه‌مجار كه‌ره‌كه‌ بخه‌ره‌ ناو مه‌نجه‌ڵێك و له‌سه‌ر ئاگرێكی كز شلی بكه‌ره‌وه‌، دواتر پیازه‌كه‌ له‌گه‌ڵ كه‌مێك ئاو تێكه‌ڵی كه‌ره‌كه‌ی بكه‌، ئێستا سه‌ری مه‌نجه‌ڵه‌كه‌ دابپۆشه‌ بۆ ماوه‌ی 10 خوله‌ك تا پیازه‌كه‌ نه‌رمده‌بێت، دوای ئه‌وه‌ برنج و ئاوه‌كه‌ی به‌ تامی مریشك تێكه‌ڵ بكه‌و دایپۆشه‌ بۆ ماوه‌ی 15 خوله‌ك تا ده‌كوڵێت، پاشان سپێناخه‌كه‌ تێكه‌ڵ بكه‌ بۆ ماوه‌ی 5 خوله‌كی تر بكوڵێت، له‌ كۆتاییدا هێلكه‌ به‌كه‌ره‌كه‌ش تێكه‌ڵی شۆربای سپێناخه‌كه‌ بكه‌.

خاك - ئاژانسه‌كان