لەچوارچێوەی چاپکراوە نوێکانیدا دەزگای چاپ و پەخشی سەردەم چەندین کتێبی نوێی خستە بەردەستی خوێنەرانی. رۆشنبیر لەنێوان واقیع و چاوەڕوانیدا کتێبی (رۆشنبیر لەنێوان واقیع و چاوەڕوانیدا)، لەدووتوێی 181 لاپەڕەدا چاپ و بڵاوکرایەوە. بابەتەکانی نێو ئەم کتێبە نووسینی هەریەکە لە(ئیدوارد سەعید، حەلیم بەرەکات، فرانز نویمان، رامین جەهانبەگلو، حەسونە ئەلمیسباحی، عەبدولباقی ئەلهەرماسی، هاشم ساڵح)ەو کۆمەڵێک وەرگێڕ کردویانە بەکوردی و لەزنجیرەی دۆسییەکانی سەردەم-ە. دەسەڵات ئاراستەکردنی خەڵک لەڕێگەی هێزەوە کتێبی (دەسەڵات ئاراستەکردنی خەڵک لەڕێگەی هێزەوە) لەدووتوێی 165لاپەڕەدا چاپ و بڵاوکرایەوە. بابەتەکانی نێو ئەم کتێبە نووسینی هەریەکە لە(ئالان تۆرین، ئەریک فرۆم، مەسعود تارانی، مۆریس بارییە، شاهۆ سەعید، جۆرج تەرابیشی)ەو کۆمەڵێک وەرگێڕ کردویانە بەکوردی و لەزنجیرەی دۆسییەکانی سەردەم-ە. بیرەوەرییەکانی ئەکتەری رۆڵی دووەم کتێبی (بیرەوەرییەکانی ئەکتەری رۆڵی دووەم) لەدووتوێی 135لاپەرەدا چاپ و بڵاوکراوەتەوە. ئەم کتێبە نووسینی (بەهرام بەیزایی)ەو بەڕۆژ ئاکرەیی کردویەتی بەکوردی. تەکنیکەکانی نواندن لەشانۆو سینەمادا تەکنیکەکانی نواندن لەشانۆو سینەمادا، لەدووتوێی 107 لەپەڕەدا چاپ و بڵاوکراوەتەوە. ئەم کتێبە نووسینی (نورەدین ئوستور)ەو پێشڕەو حسێن کردویەتی بەکوردی.
خاك
created by Avesta Group and powered by Microsoft Azure