حەکیم عبدللە کاکەوەیس نوسەر و وەرگێڕی کورد ناسراو بە( حەکیم کاکە وەیس) ڕۆژی ١٨/١١/٢٠١٨ لە بەغداد بەنەخۆشی کۆچی دوایی کرد. حەکیم کاکەوەیس نووسەری چەندین کتێبە، چەندین کتێبیشی لە زمانەکانی عەرەبی و سوێدییەوە بۆ کوردی وەرگێڕاوە،لە ماوەی ژیانی ئەم وەرگێڕەدا ٢٨ کتێبی چاپکردووە کە دوا بەرهەمی ڕۆمانێک بووە بەناوی (سەگەکەشیان چوارەمیان بوو) زۆربەی بەرهەم و نووسینەکانیشی گوزارشت بوون لەو نەهامەتیانەی کە بەسەر کورددا هاتوون ژیانی حەکیم کاکەوەیس -حەکیم کاکەوەیس، ساڵی ١٩٤٩ لە گوندی حەساری گەورەی نزیک شاری کەرکوک لەدایکبووە -ساڵی ١٩٥٧ چووەتە بەر خوێندنی سەرەتایی و قۆناغی ئامادەیی لە کەرکووک تەواو کردووە -ساڵی ١٩٧٣ بەشی بیرکاری لە کۆلیژی زانست لە زانکۆی سلێمانی تەواو کردووە -دوای زانکۆ تا کۆتایی شۆڕشی ئەیلول پێشمەرگە بووە لە هاوینی ١٩٥٧ لە بەغدا وەکو فەرمانبەری پرۆگرامسازی لە وەزارەتی پلاندانان دامەزراوە تا ساڵی ١٩٨٠ بەردەوام بووە -لە زاخۆ کراوەتە سەربازی یەدەگ و دوای ماوەیەک کە شەڕی عێراق- ئێران دەست پێدەکات، داوای لێ دەکەن ببێتە بەعسی وبەڵام قبوڵی نەکردوەو ئەوێی جێهێشتووە لە ساڵی ١٩٨٤ و دەچێتە سوید -حەکیم کاکەوەیس، لە ساڵی ٢٠٠٠ بەهۆی نەخۆشی دڵەوە خانەنشین کراوە، بەهۆی نەخۆشی سوێد جێ دەهێلێت و دەگەڕێتەوە بۆ کوردستان و لە گوندی حەسار لە کەرکووک دەژی، ژیانی خۆی بە خوێندنەوە و نووسین و وەرگێڕان بەسەر بردووە وخاوەنی چوار کوڕوکچێکە -بەرهەمەکانی لە عەرەبی و سویدی بۆ زمانی کوردی وەرگێڕاوە و زۆربەی بەرهەمەکانی مەسعوود محەمەد کوڕی مەلای گەورەی کۆیەی بۆ زمانی کوردی وەرگێڕاوە -بەمەبەستی وەرگرتنی چارەسەری پزیشکی چوەتە نەخۆشخانە لە بەغدا و ڕۆژی یەکشەممە ١٨/١١/٢٠١٨ لە شاری بەغدا کۆچی دوایی دەکات بەرهەمەکانی حەکیم کاکە وەیس خاوەنی ٢٨ بەرهەمی وەرگێڕانە بەشێک لە بەرهەمە بەربڵاوەکانی بریتین لە ١- لسان الکرد ، نوسینی: مەسعوود محەمەد، وەرگێڕانی بۆکوردی: حەکیم کاکەوەیس، هەولێر: کوردستان، 2008 ٢- حەجێکی تر بۆ بەردەرگای (خەتێ)ی زانا، مەسعوود محەمەد، وەرگێڕانی بۆکوردی: حەکیم کاکەوەیس ٣-کۆمەڵگەی مرۆڤایەتی بۆچی بە شێتخانە دەچێت؟، مەسعود محەمەد ، وەرگێڕانی بۆکوردی: حەکیم کاکەوەیس ٤-رۆمانی گورگی رووتەڵان، حەکیم کاکەوەیس لە سوێدییەوە بۆ کوردی وەرگێڕاوە ٥-رۆمانی کۆلارەفڕێن، نوسینی: خالید حوسێنی، وەرگێڕانی بۆ کوردی حەکیم کاکەوەیس سەرچاوە -کورد پیدیا -ژیانی حەکیم کاکەوەیس خاک-تانیائاوارە
created by Avesta Group and powered by Microsoft Azure