وه‌زاره‌تی گواستنه‌وه‌ى عيراق له راگه‌یه‌نراوێكدا رایگه‌یاندووه: وه‌زیری گواستنه‌وه له‌میانی گه‌ڕانێكی مه‌یدانیدا بۆ وێستگه‌ی هێڵی ئاسمانی عیراق له فڕۆكه‌خانه‌ی نێوده‌وڵه‌تی به‌غدا، به مه‌به‌ستی به‌دواداچوون بۆ ئه‌و رێكاره ته‌ندروستیانه‌ی كه بۆ گه‌شتیارانی هاتوو و رۆیشتوو گیراونه‌ته‌ر له عیراق، له‌ڕێگه‌ی وردبینیكردن بۆ پشكنینی (PCR) بۆ سه‌رجه‌م گه‌شتیاران به‌بێ جیاوازی. به‌گوێره‌ی راگه‌یه‌نراوه‌كه، شبلی راشیگه‌یاندووه: ئه‌و رێكارانه‌ی هێڵی گواستنه‌وه‌ی عیراق پشتی پێبه‌ستووه، له‌پێناو پاراستنی گه‌شتیاران و فڕۆكه‌خانه‌كانی عیراقه له په‌تای ڤایرۆسی كۆرۆنا، هه‌روه‌ها جێبه‌جێكردنی داواكارییه‌كانی ده‌سه‌ڵاتی فڕۆكه‌وانی نێوده‌وڵه‌تی و ده‌سه‌ڵاتی شارستانی فڕۆكه‌وانی عیراقه به مه‌به‌ستی ره‌خساندنی كه‌شێكی له‌بار بۆ گه‌شتكردن. راشیگه‌یاند: هێڵی ئاسمانی عیراقی پابه‌ند ده‌بێت به سه‌رجه‌م پێوه‌رو داواكارییه نێوده‌وڵه‌تییه‌كان، له‌میانی جێبه‌جێكردنی كۆمه‌ڵێك رێكاری پێشكه‌وتوودا بۆ باشتركردنی ئاستی كاركردنی كارمه‌نده‌كانیان و پێشكه‌شكردنی باشترین خزمه‌تگوزاری بۆ گه‌شتیاران. خاك - راگه‌یاندنی وه‌زاره‌تی گواستنه‌وه
created by Avesta Group and powered by Microsoft Azure