تەندروستی سلێمانی بڕیاریدا نۆڕینگە میللیيەكان بۆ پێدانی دەرمان و چارەسەر بەو هاووڵاتیانەی نەخۆشی درێژخایەنیان هەیە بكرێتەوە. بەڕێوبەرایەتی گشتی تەندروستی سلێمانی ئاگاداری هاووڵاتیان دەكاتەوە كە سەرجەم نۆرینگە میللیەكان لە ڕۆژی 7-4-2020 لە سەعات 1ی پاشنیوەڕۆ بۆ 5 ی ئێوارە كراوە بێت بۆ پێدانی دەرمان و چارەسەر بەو هاووڵاتیانەی نەخۆشی درێژخایەنیان هەیە بەپێی چەند مەرجێك، ئەوانیش: 1- دەبێت هەموو مەرجەكانی خۆپارێزی پەیڕەو بكرێت و دەستكێش و دەمامك بەكاربهێنرێت. 2- كاتی دیاریكراوی خۆی كە مەوعیدی هەبێت یان مانگێك تێپەڕبوو بێت بەسەر مەوعیدەكەی. 3- نەخۆشانی درێژخایەن دەتوانێت لە نزیكترین شوێنی ماڵەكەی خۆی دەرمانەكانی وەربگرێت. 4- ئەگەر نەخۆشەكە پەكەوتە بێت نزیكترین كەسی دەتوانێت دەرمانەكەی بۆ وەربگرێت و بەڵگەنامەی پێویستی پێبێت. 5- هەموو رۆژێك نۆرینگە میللیيەكان كراوە دەبێت جگە لە ڕۆژانی هەینی. خاك
created by Avesta Group and powered by Microsoft Azure