له‌مساڵدا ژماره‌یه‌كی زۆر له‌مۆبایلی هۆشمه‌ند له‌لایه‌ن كۆمپانیاكانه‌وه به‌رهه‌مهێنرا، كه خاوه‌ن دیزاینێكی جوان و تایبه‌تمه‌ندییه‌كی سه‌رنجڕاكێشن، تایبه‌تمه‌ندی مۆبایله‌كان لای به‌كارهێنه‌ران گرنگن، وه‌ك زوو پڕبوونی له‌شه‌حن و دره‌نگ به‌تاڵبوونه‌وه‌ی، له‌گه‌ڵ رامی مۆبایل و روونمای كامێراكانی، نرخی مۆبایله‌كانیش گرنگی تایبه‌تی خۆی هه‌یه، لێره‌دا به‌باشترین مۆبایله‌كانی ساڵتان ئاشناده‌كه‌ین كه ئه‌مانه‌ن:
1- مۆبایلی سامسۆنگ گالاكسی S6 Edge
له‌گه‌ڵ ده‌ركردنی مۆبایلی گالاكسی 3S ، مۆبایله‌كانی سامسۆنگ هه‌وادارو جه‌ماریان به‌رزبووه‌وه، دواتریش به‌رهه‌مهێنانی مۆبایله‌كانی S4 و 5 S كه له‌كانزاو شوشه دروستكرابوون و دیزاینێكی جوانیان هه‌بوو ئه‌م مۆبایلانه‌ش هه‌وادارانی زیاتر كرد، هه‌روه‌ها دواتر به‌هۆی ئه‌زمونه‌كانیه‌وه توانی سامسۆنگ 6 S ده‌ربكات كه به‌وته‌ی رۆژنامه‌كان و به‌كارهێنه‌ران باشترین مۆبایلی ساڵ بوو، چونكه تایبه‌تمه‌ندییه بێ سنوره‌كانی و شاحنه‌كه‌ی جێگه‌ی سه‌رنجی هه‌موو لایه‌ك بوو.
ئه‌م مۆبایله روونمای كامێراكه‌ی ریكۆردی شكاندووه‌و روونماكه‌ی گه‌یاندووه‌ته 16 پێكسڵ، هه‌روه‌ها رامه‌كه‌شی 16 گێگایه له‌گه‌ڵ بوونی میمۆریه‌كی ناوخۆی به‌قه‌باره‌ی 32 گێگایی، پاتری ئه‌م مۆبایله ده‌رناهێنرێت و زۆر به‌خێرایی شه‌حن ده‌بێته‌وه به‌شێوه‌یه‌ك گه‌ر 10 خوله‌ك به‌شه‌حنه‌وه بێت، ئه‌وه ده‌توانیت بۆ 4 كاتژمێر به‌كاریبهێنیت، له‌هه‌مووی گرنگتر شاحنه‌كه‌ی بێ ته‌له واته پێویستی به‌كێبڵ نیه بۆ شه‌حنكردنه‌وه، مۆبایلی S 6 به‌ڕه‌نگه‌كانی سپی و ره‌ش و ئاڵتونی و شین به‌رهه‌مهێنراوه، به‌ڵام S6 Edge به‌ڕه‌نگه‌كانی سپی و ره‌ش و ئاڵتونی و شین و سه‌وز به‌هه‌مهێنراوه.
2- مۆبایلی LG G4
هه‌موو كۆمپانیاكان له‌هه‌وڵدان باشترین مۆبایل به‌رهه‌مبهێنن كه خاوه‌ن تایبه‌تمه‌ندییه‌كی به‌رزو دیزاینێكی سه‌رنجڕاكێش بێت.
بۆ ئه‌م مه‌به‌سته LG هه‌میشه ویستویه‌تی جوانترین دیزاین و باشترین مۆبایل به‌رهه‌مبهێنیت، بۆیه LG G4 ئه‌و مۆبایله‌یه كه اڵجی سه‌رنجی به‌كارهێنه‌رانی پێی راكێشاوه، چونكه به‌رگی پشته‌وه‌ی له‌شێوه‌ی چه‌رمدایه‌و به‌ئاسانیش ده‌توانرێت لێبكرێته‌وه‌و به‌چه‌ندین ره‌نگیش نمایشی كردووه، پاتریه‌كه‌ی ده‌توانرێت بگۆڕدرێت و شاشه‌كه‌ی HD چواریه، كامێراكه‌شی دژه ئاوه‌و رونماكه‌شی 16 پێكسڵه، رامه‌كه‌شی 3 گێگایه‌و میمیۆری ناوخۆیه‌كه‌شی 32 گێگابایته.
3- Apple IPhone 6, 6plaus
ئه‌م مۆبایله به‌باشترین شێوه دیزاین كراوه، هه‌روه‌ها قه‌باره‌كه‌شی زۆر گونجاوه.
هه‌رچه‌ند زۆرینه‌ی مۆبایله‌كانی تریش خاوه‌نی ئه‌م تایبه‌تمه‌ندیانه‌ن، به‌ڵام هه‌ندێك جیاوازی هه‌یه كه له‌وانی تری جیاده‌كاته‌وه، وه‌ك ئه‌وه‌ی زۆر به‌خێرایی شه‌حن ده‌بنه‌وه، هه‌روه‌ها كێشی مۆبایله‌كه‌ش ده‌گاته172 گرام، كامێرای پشته‌وه‌ی رونماكه‌ی 8 مێگاپێكسله‌و ده‌توانرێت رێكخستنی بۆ بكرێت كه خۆی وێنه بگرێت، قه‌باره‌ی پاتریه‌كه‌شی زۆر بچوكه، میمۆریه‌كه‌شی له 16 گێگاوه ده‌ستپێده‌كات تا 128 گێگا.
4- مۆبایلی هواوی نیكسۆس p6
له‌م دوایانه‌دا گۆگڵ په‌رده‌ی له‌سه‌ر نوێترین نه‌وه‌ی مۆبایلی هواوی نیكسۆس p6 لابرد، به‌سه‌یركردنی په‌ڕه‌ی زانیاریه‌كانی ئه‌وه بۆت رونده‌بێته‌وه كه ئه‌م مۆبایله یه‌كێكه له‌باشترین مۆبایله‌كانی ساڵ، چونكه چوارچێوه‌یه‌كی شوشه‌یی بۆ دانراوه كه رێگری ده‌كات له‌شكان و شوخت تێبون.
قه‌باره‌ی شاشه‌ی ئه‌م مۆبایله 5.7 ئینجه، به‌تایبه‌تمه‌ندی HD چواری، روونمای كامێراكه‌ی 12 مێگاپێكسله‌و رامه‌كه‌شی 3 گێگابایته.
